Hauptmenü ufmache
Disambig.svg Dä Artikel behandlet d Republik Südsudan. Für anderi Bedütige vo Sudan lueg Sudan (Begriffsklärung)



Dr Südsudan (änglisch South Sudan) oder au Southern Sudan, offiziell änglisch Republic of South Sudan (RoSS),[1][2] arabisch جنوب السودان, Ǧanūb as-Sūdān) isch e Staat in Nordost-Afrika, wo am 9. Juli 2011 vom Sudan unabhängig worden isch. Vorhär isch s Gebiet 1972–1983 und wider 2005–2011 en autonomi Region vom Land gsi.

Republic of South Sudan (engl.)
Republik Südsudan
Fahne vo Südsudan
Wappe vo Südsudan
Fahne Wappe
Wahlspruch: „Justice, Liberty, Prosperity“

(ängl. für „Grächtigkeit, Freiheit, Wohlstand“)

Amtsspraach Änglisch
Hauptstadt Juba
Staatsform Republik
Staatsoberhaupt Salva Kiir Mayardit
Regierigschef Salva Kiir Mayardit
Flächi 619.745 km²
Iiwohnerzahl 8,26 Mio. (noch em gsamtsudanesische Zensus vo 2008)
Bevölkerigsdichti 9,10 Iiwohner pro km²
Währig Sudanesischs Pfund (blant: Südsudanesischs Pfund)
Gründig 2005 als autonomi Region vom Sudan. Unabhängigkeit vom Sudan am 9. Juli 2011.
Nationalhimne South Sudan Oyee!
Zitzone UTC+2
South Sudan in its region (undisputed).svg
D Staatsgränze entspricht de früehnere Provinzgränze. Strittig si d Gebiet Abyei und Ilemi

GeographiiBearbeite

Dr Südsudan isch flechemässig öbbe dopplet so gross wie Dütschland, het aber nume öbbe e Zähntel so vil Iiwohner. Im Norde isch s Land dur Savanne und Drochewälder brägt, im Süde dur dropische Rägewald. Die höggsti Erhebig isch dr Kinyeti in de Imatong-Bärge. Dr Wiiss Nil fliesst dur d Region und bildet s Sumpfland Sudd. Dr Nilnäbefluss Bahr al-Arab (Kiir) bildet dr nordwestlig Deil vo dr Gränze zum Nordsudan. Die Gränze isch allerdings nit markiert, und näben em Abyei-Gebiet git s no anderi Gränzregione mit Weideland und Rohstoffvorkomme, wo s nid klar isch, wämm die ghöre, so zum Bischbil d Enklave vo Kafia Kingi.[3][4][5] Im üsserste Südoste lit s Ilemi-Dreiegg, wo vom Sudan, vo Kenia und vo Ethiopie beaasprucht wird; d Haltig vo dr südsudanesische Regierig in däm Gebietsstriit isch no umbekannt.

BevölkerigBearbeite

Noch offizielle Resultat vom gsamtsudanesische Zensus vo 2008 het dr Südsudan denn öbbe 8,26 Mio. Iiwohner gha, was 22 % vo dr Bevölkerig vom ganze Sudan gsi isch. Die gsetzgäbendi Versammlig vom Südsudan het bestritte, ass die Zahle richtig wäre, und isch von ere höchere Iiwohnerzahl usgange.[6][7]

Die grössti Volksgruppe si d Dinka, wo zu de Nilote ghöre, drnäben läbe im Land no die nilotische Nuer und Schilluk, d Azande und e baar anderi Gruppe.

Währed dr Nordsudan mehrheitlig islamisch isch, ghört d Bevölkerig im Südsudan vor allem zum Christedum und zu lokale Religione. Vor allem nochdäm 1964 usländischi Missionär usgwiise worde si, hai immer meh Südsudanese zum Christedum konvertiert.[8] D Christe si mehrheitli Katholike und Anglikaner.

Noch Aagoobe vo de südsudanesische Behörde für 2009 si im Ganze 73 % vo dr Bevölkerigm wo der über fufzähni isch, Analphabete.[9] 20–34 % vo dr Bevölkerig si underernährt.

Öbbe vier Millione Südsudanese si wägem Bürgerchrieg in s Usland gflüchdet. 2006 isch gschetzt worde, ass drei Millione von ehne wei dr Südsudan zrugggoh.[10] Bsunders vor em Unabhängigkeitsreferendum im Januar 2011 si e Hufe von ehne zrugggange.[11]

FuessnoteBearbeite

  1. Art. 1, 1 vom Entwurf vo dr Übergangsverfassig vo Südsudan, 2011.
  2. Sudan Tribune, 16. Februar 2011, South Sudan political parties to discuss flag and currency Thursday.
  3. Sergio Peçanha: The Tough Task of Defining Sudan’s North-South Border, in: New York Times, 15. Januar 2011.
  4. More than a Line: Sudan's North-South Border, Concordis International Sudan Report, September 2010 (PDF).
  5. Sudan: Defining the North-South Border Archivlink (Memento vom 6. Augschte 2011 im Internet Archive), International Crisis Group, September 2010.
  6. Maggie Fick: S. Sudan Census Bureau Releases Official Results Amidst Ongoing Census Controversy, in: enough Project, 8. Juni 2009.
  7. Isaac Vuni: South Sudan parliament throw outs census results, in: Sudan Tribune, 7. Juli 2009.
  8. Douglas H. Johnson: The Root Causes of Sudan’s Civil Wars, James Currey Publishers, 2003 (African Issues), ISBN 978-0-85255-392-3, S. 31, 35.
  9. Southern Sudan Centre for Census, Statistics and Evaluation: Statistical Yearbook for Southern Sudan 2010 (Site cha nüme abgrüeft wärde; Suche im Webarchiv)[1] [2] Vorlage:Toter Link/ssccse.org (PDF), S. 48.
  10. From North to South: Sudan's displaced head home, in: IRIN News, 20. April 2006.
  11. Southern returnee deluge leaves aid workers in a quandary, in: IRIN News, 28. Dezember 2010. Abgrüeft am 4. Januar 2011.