Lonza Arena
D Lonza Arena isch en Ischsporthalla iner Schweizer Gemeind Visp im Kanton Wallis. Schi isch d Heimspilstätt vom Eishockeyclub EHC Visp üser Swiss League, äs het fer 5'150 Züeschauer Platz, derva 2'000 uf de Sitzplätz. D Ischhalla wird wird öi fer der öffentlich Ischleuf gebrücht.[1]
| Lonza Arena | |
|---|---|
| |
| Daate | |
| Ort | Sewjinistrasse 12 3930 Visp, Kanton Wallis, Schweiz
|
| Koordinaten | 634899 / 126953 |
| Äigedümer | Gemeind Visp |
| Aafang vom Baue | März 2018 |
| Eröffnig | 6. Septämber 2019 |
| Ersts Spiil | 6. Septämber 2019 EHC Visp – SCL Tigers 0:3 |
| Oberflechi | Beton Kunstischflecha |
| Kapazidäät | 5'150 Plätz (devoo 2'000 Sitzplätz) |
| Veräin | |
| Veraastaltige | |
| |
Gschicht
ändere2012 heint d Planige fer d neu Halla agfangu, wo d Litterna-Halle vo 1979 ersetzu soll. Im August 2016 het schich d Gemeind Visp fer der Vercheuf vom Litterna-Grundstück entschidu. Z Projekt vo der Frutiger AG isch im September vo dem Jahr zum Siger vom Gesamtleistigsstudieüftrag gekührt wordu und d vier igangenu Projekte wärdent der Bevölkerig öffentlich üsgstellt. Im November 2016 spricht schich d Bevölkrig fer der Bau vo der neue Mehrzweckarena üs.[2] Zer glich Zit bechunt d neu Eventhalla der Namu Lonza Arena. Im Juli 2017 leuft d Isprachefrist gägu d Baubewilligung ab. Nachum Baustart im März 2018 und der Grundsteinlegig im Monat druf wird d Arena im Summer 2019 fertiggestellt.[3] D Inbetribnahm hed am Wuchenend vom 6. bis 8. September 2019 stattgfunu. Am 6. September isch d Halla mit der Partii gägu d SCL Tigers igweiht wordu. Der Oberwalliser NHL-Spiler Nico Hischier het der erscht Puckeinwurf gmacht. Am Endi verlierunt d neue Hüsherre mit 0:3.[4] Am Tag druf het mu uf de HC Davos getroffu und mit 0:5 verloru.[5]
Bilder
ändereEs paar Bilder vo der Lonza Arena bi der Tag der offenu Porte am 7. September 2019.
-
Spielerbank iner Lonza Arena. -
Blick ufs Spilfäld von de Sitzplätz üs. -
Der Blick ufs Spilfäld vo der Spilerbank. -
Blick uber z Ischfäld zu de Sitzplätz. -
Üsblick vo der WKB Vip Lounge. -
D neue Garderobe iner Lonza Arena. -
D Garderob vo der 1. Mannschaft vom EHC Visp. -
Garderobe vom EHC Visp iner Lonza Arena. -
Blick uf z Garderobefach vom Spiler Andy Ritz. -
Blick ine Regieraum iner Lonza Arena. -
Vo hie wärdunt Replays uf de Videowürfel gibrungu. -
Blick ufe Videowürfel iner Lonza Arena, voum Testspil gägu der HC Davos. -
Wärend d Mannschaft ufs Fäld chunt, wärdunt d Spiler ufumVideowürfel vorgestellt.
Weblink
ändere
Commons: Lonza Arena – Sammlig vo MultimediadateieEinzelnahwisa
ändere- ↑ Lonza Arena: Die neue Sport und Eventhalle. Archiviert vom Original am 21. August 2019; abgruefen am 24. August 2019.
- ↑ Die Visper Stimmbevölkerung bekennt sich mehr als deutlich zur geplanten Eissport- und Eventhalle. Artikel uf rro.ch vom 27. November 2016
- ↑ Zeitplan (Memento vom 21. Augschte 2019 im Internet Archive) uf lonzaarena.ch abgruefen am 24. Öigschta 2019
- ↑ rro.ch: Visp: En neui Ära faht a. Abgruefen am 8. September 2019.
- ↑ rro.ch: Eishockey: Nu kei Visper Tor iner Lonza Arena. Archiviert vom Original am 9. September 2019; abgruefen am 8. September 2019.