Mélanie Chappuis
D Mélanie Chappuis (* 13. Jänner 1976 z Bonn), isch e Schwyzer Autori un Schriftstelleri un isch Kolumnischti bi Le Temps gsii.
Lääbe ändere
As Diplomaatedoochter het d Mélanie Chappuis iiri Chindhait z Guatemala, z Nigeria, z Argentinie, z Bärn un z New York verbroocht[1]. An dr Universiteet Gämf het si Literatuurwisseschafte studiert un s DEA (Diplôme d’études approfondies) am Europainschtitut iberchuu. Der het si as Schurnalischit gschafft un fir verschiideni Zytige gschriibe.
Anne 2008 het si ire eerscht Romaan Frida bim Schwyzer Verlaag Bernard Campiche vereffetligt, wu dr Titel vum Lied Ces gens-là vum Jacques Brel vu inschpiriert isch. 2010 het si ire zweet Romaan mit em Titel Des baisers froids comme la lune vereffetligt, wu dr Titel vum Gediicht Le revenant vum Charles Baudelaire här chunnt. 2011 het si ne Schrybstipändium vum Schwyzer Kantoon Waadt fir ire dritt Buechprojäkt iberchuu.[2] 2012 chunnt si dr Prix de la relève vum Kantoon Waadt fir ire Buech Maculée conception iiber, wu si 2013 vereffetligt het. [3] Bis 2014 het d Mélanie Chappuis d Kolumne Dans la tête de… Im Chopf vu… bi Le Temps gschriibe, wu all Wuche erschiinen isch.[4]
Syter anne 2011 isch si mit em Zep, (buurgerli Philippe Chappuis) ghyroote, wu me as Comic-Zaichner vu Titeuf chännt. D Mélanie Chappuis het zwai Chinder us ere friejere Bezeihig in d Ee mitbroocht.[5]
Wäärch ändere
- 2008: Frida
- 2010: Des baisers froids comme la lune
- 2013: Maculée conception
- 2013: Dans la tête de… Chroniques
- 2015: L’empreinte amoureuse
- 2016: Un thé avec mes chères fantômes
- 2017: Ô vous, seurs humaines
- 2018: La Pythie
Fueßnote ändere
- ↑ «J'ai adoré ça, devenir maman». Abgruefen am 30. April 2020 (änglisch).
- ↑ Fondation vaudoise pour la culture. Abgruefen am 30. April 2020.
- ↑ Biographie. Abgruefen am 30. April 2020 (fr-FR).
- ↑ Biographie. Abgruefen am 30. April 2020 (fr-FR).
- ↑ Philippe Chappuis : le monde de Titeuf. Abgruefen am 30. April 2020.
|
Dä Artikel basiert uff ere fräie Übersetzig vu dere Version vum Artikel „Mélanie_Chappuis“ vu de dütsche Wikipedia. E Liste vu de Autore un Versione isch do z finde. |