Maag Halle

ehmoligi Industriihalle, wo för Veraastaltige, wie Konzärt, Musicals usw. bruucht wörd

D Maag Halle, früener Maag Music Hall, isch es Theater und e Eventhalle i de Schwizer Stadt Züri.

d Maag Halle,
no mit de alte Beschriftig
s Maag Areal mit de Maag Halle,
ganz rächts hine im Bild
d Lady Gaga bi ihrer The Fame Ball Tour i de Maag Music Hall am 21. Juli 2009

De gröschti Saal vom Theater verfüegt über 930 Sitzplätz uf ere noch hinne uufstiigende Konstrukzion, e Bühni (12 m x 12 m) sowie zwai grosse Sitebühne. S Foyer isch 500 m² gross und chann für verschidnigi Veraastaltige gnutzt wärde. D Maag Halle (damals no Maag Music Hall) isch Uuffüerigsort vo divärse Konzärt und vo Musicals wie Ewigi Liebi (2007/2008) oder Mein Name ist Eugen (2016) gsii. E paar Shows vo de Färnsee-Sändige MusicStar und Di gröschte Schwizer Talänt vom Schwizer Färnsee sind us de Maag Music Hall übertrait worde.[1]

De Gebäudekomplex isch bis 2001 de Standort vo de Firma «Gebr. Maag Maschinefabrik AG» gsii. D Gebäude uf em Maag-Areal sind under de Baudenkmöler uf de Lischte vo de Kulturgüeter z Züri (C-Objekt) uufgfüert.

S Maag-Areal isch mit Linie vo de Zürcher Verchehrsbetriib und über de S-Bahnhof Hardbrugg erraichbar. Es git au es öffentlichs Parkhuus i de Nöchi vom Gländ.

Weblink ändere

Fuessnoote ändere

  1. Maag-Halle Informazione uf events.ch (Memento vom 31. März 2016 im Internet Archive)

Koordinate: 47° 23′ 12″ N, 8° 31′ 2″ O; CH1903: 681434 / 248995