Maag Halle
D Maag Halle, früener Maag Music Hall, isch es Theater und e Eventhalle i de Schwizer Stadt Züri.
no mit de alte Beschriftig
ganz rächts hine im Bild
De gröschti Saal vom Theater verfüegt über 930 Sitzplätz uf ere noch hinne uufstiigende Konstrukzion, e Bühni (12 m x 12 m) sowie zwai grosse Sitebühne. S Foyer isch 500 m² gross und chann für verschidnigi Veraastaltige gnutzt wärde. D Maag Halle (damals no Maag Music Hall) isch Uuffüerigsort vo divärse Konzärt und vo Musicals wie Ewigi Liebi (2007/2008) oder Mein Name ist Eugen (2016) gsii. E paar Shows vo de Färnsee-Sändige MusicStar und Di gröschte Schwizer Talänt vom Schwizer Färnsee sind us de Maag Music Hall übertrait worde.[1]
De Gebäudekomplex isch bis 2001 de Standort vo de Firma «Gebr. Maag Maschinefabrik AG» gsii. D Gebäude uf em Maag-Areal sind under de Baudenkmöler uf de Lischte vo de Kulturgüeter z Züri (C-Objekt) uufgfüert.
S Maag-Areal isch mit Linie vo de Zürcher Verchehrsbetriib und über de S-Bahnhof Hardbrugg erraichbar. Es git au es öffentlichs Parkhuus i de Nöchi vom Gländ.
Weblink
ändere- d Website vo de «MAAG Music & Arts AG» (d Betriiberi vo de Maag Halle und de Halle 622)
Fuessnoote
ändere- ↑ Maag-Halle Informazione uf events.ch (Memento vom 31. März 2016 im Internet Archive)
Koordinate: 47° 23′ 12″ N, 8° 31′ 2″ O; CH1903: 681434 / 248995