Maliya
D Maliya isch e hethitischi und luwischi Gartegöttin. Imene mittelhethitische Wingertritual werd si „Maliya vom Garte, Muetter vo Chorn und Wii“ gnennt und si werd zäme mitem hattische Vegetationsgott Telipinu aagrueffe. D Verbindig vo Chorn und Wii isch bi de Luwier e gängis Symbol för di vegetativi Fruchtbarkait. Äänlich werd de „Tarhunza vom Wingert“ mit Chronääri und Wiitrübel abildet. I Hailritual werd si zäme mitem Rossgott Pirwa und de Hailggöttin Kamrusipa gnennt.
Literatur
ändere- René Lebrun: Maliya, une divinité anatolienne mal connue; in Studia Paulo Naster Oblata: Orientalia antiqua; Leuven (1982). S. 123-130.
- Volkert Haas: Geschichte der hethitischen Religion (= Handbuch der Orientalistik, Band 1,15). Brill, Leiden 1994, ISBN 978-9-004-09799-5.
- Manfred Hutter: Aspects in Luwian Religion. In: H. Craig Melchert (Hrsg.): The Luwians (= HdO 1,68). Brill, Leiden 2003, ISBN 90-04-13009-8, S. 211–280, besonders S. 231f.