Martin Stern

Dr Ulrich Martin Stern (* 19. Februar 1930 z Züri; † 1. Juli 2024) isch e Schwyzer Literatuurwisseschaftler un Hoochschuelleerer gsii.

Lääbe

Dr Stern het an dr Uniwersiteet Züri Germanischtik studiert un isch anne 1959 bim Emil Staiger mit ere Aarbet iiber s Luschtspiilfragmänt Silvia im Stern vum Hugo von Hofmannsthal bromewiert woore. No dr Habilitazioon an dr Uniwersiteet Züri iiber Paradiesbilder in der Literatur des 18. Jahrhunderts het er zeerscht an dr Harvard Uniwersiteet unteriichtet un druf z Frankfurt am Main. Anne 1968 isch dr Martin Stern (glyychzytig mit em Karl Pestalozzi) as Brofässer fir Neieri dytschi Literatuurwisseschaft an s Dytsch Seminaar vu dr Uniwersiteet Baasel gruefe woore. Im nämlige Joor 1968 het er au aaregt, ass d i Internazionaal Hugo von Hofmannsthal-Gsellschaft grindet wiird, wun er 1979 au bresidiert ghaa het. Är het ai Band vu dr Gsamtuusgaab vum Hofmannsthal (Der Schwierige) editiert. Zue syne wiichtigschte Aarbetsbiet hän d Ufkleerig vu dr Goethezyt, dr Johann Nestroy, d buurgerli Realismus, s Reformazioonsdraama, dr Expressionismus in dr Schwyz un au d Theatergschiicht vu dr Schwyz bis zum Max Frisch un em Friedrich Dürrenmatt gheert. An dr Uniwersiteet Baasel het dr Stern bis anne 1997 gleert. Dr Stern isch am 1. Juuli 2024 im Alter vu 94 Joor gstoorbe.

Literatuur

• „Verbergendes Enthüllen“. Zu Theorie und Kunst dichterischen Verkleidens. Festschrift für Martin Stern. Hrsg. von Wolfram Malte Fues und Wolfram Mauser. Würzburg: Königshausen & Neumann 1995. ISBN 3-8260-1026-4

Weblink

• Literatur vu un iber Martin Stern im Katalog vu dr Dütsche Nazionalbibliothek
• Martin Stern (Yydraag in dr Library of Congress)
• Martin Stern bi dr Gsellschaft fir d Erfoorschig vu dr Dytschschwyzer Literatuur
• Wolfram Malte Fues: Die Kunst des Seminars. Dem Germanisten Martin Stern zum 80. Geburtstag. In: Basler Zeitung. 20. Februar 2010.

Fueßnote

Dä Artikel basiert uff ere fräie Übersetzig vu dere Version vum Artikel „Martin_Stern“ vu de dütsche Wikipedia. E Liste vu de Autore un Versione isch do z finde.