Messene

D Messene (altgriech. Μεσσήνη) isch i de griechische Mythologi d Personifikation vo Messenie gsii.

D Messene isch d Töchter vom Triopas, em Soo vom Phorbas us Argos. Si hett de Polykaon, de Soo vom Lelex ghüroote. Well er ass de jünger Brüeder vom Myles nöd König wore isch, hett si Lütt us Argos und Lakonie gsammlet und hett mit dene Messenie bsidlet, wo dozmool no mentscheleer gsii isch. De Polykaon und d Messene hend denn i de Stadt Andania as Königspaar gherrscht.

Wo de Kaukon vo Eleusis uf Messenie choo isch, hett er d Messene i d Mysterie vo de Groosse Göttinne iigfüert. D Messene und de Polykaon hend au d Vereerig vom Zeus Ithomatas ufem Berg Ithome iigfüert.

D Messene hett i de Stadt Messene e Hailigtum ghaa, wo si as Heroine vo Messenie vereert woren isch.

Quelle

• Pausanias: Raise z Griecheland 4, 1, 1–2. 5; 4, 3, 9.

Literatur

• Heinrich Wilhelm Stoll: Messene. In: Wilhelm Heinrich Roscher (Hrsg.): Ausführliches Lexikon der griechischen und römischen Mythologie. Band 2,2, Leipzig 1897, Sp. 2844 (Digitalisat).

Weblinks

• Messene im Greek Myth Index (englisch)