Michael Schneider (Logopeed)

Dr Michael Schneider (* 25. Meerz 1966 z Bad Säckige) isch e dytsche Logopeed.

Lääbe

Dr Schneider isch z Rickebach uf em Hotzewald ufgwagse. Am Schefel-Gimnasium z Säckige het er 1985 Abituur gmacht un derno bis 1987 z Fryburg sy Ziviildienscht glaischtet.

Vu 1988 bis 1991 het er e Uusbildig as Logopeed an dr Staatlige Fachschuel fir Logopedy vu dr Universiteetsklinik an dr RWTH Aachen gmacht. Derzue het er Uusbildige in hypnotherapeutischer Gspräächsfierig (MEG Rottweil/Heidelberg) un in sischteemischer Berootig un Supervision (IBS Aachen). Ab 2011 het er an dr FernUni Hagen Bildigswisseschaft studiert un 2015 mit em B.A. abgschlosse, syterhär macht er e Masterstudium in Bildig un Meedie, eEducation an dr FernUni Hagen.

Vu 1991 bis 1996 het er z Münster in ere phoniatrisch-pädaudiologische Praxis gschafft mit dr Schwäärpinkt Spochentwickligsdiagnoschtik un Steerige im Reedfluss.

Syter 1997 schafft er as Leerlogopeed fir Steerige im Reedfluss, zeerscht an dr RehaMed-Leeraastalt z Rheine, syter 2001 an dr Staatlige Schuel fir Logopedy vum Universiteetsklinikum Münster.

Dernääbe schafft dr Schneider freiberuefli as Seminaarlaiter im Beryych Steerige im Reedfluss un as sischtemische Berooter un Supervisor.

Är isch Mitgliid in de Interdisziplinäre „Vereinigung der Stottertherapeuten e. V.“ un im „Therapeuten-Netzwerk Mutismus e. V.“

Anne 1985 het dr Michael Schneider bim Wettbewärb Jungi Mundart 84 vu dr Muettersproch-Gsellschaft e Feederbryys fir Lyrik gwunne. Gediicht vun em uf Alemannisch sin in dr Anthology D Hailiecher uusechuu. Syterhär isch dr Schneider aber nimi as Dialäktautor in Erschyynig drätte.

Schrifte

• Poltern. In: M. Grohnfeldt (Hrsg.): Kompendium der akademischen Sprachtherapie und Logopädie. Band 3 (242–253). Kohlhammer, Stuttgart 2017
• Gedichte. In: D Hailiecher, Alemannische Anthologie Junge Mundart. Hrsg. Markus Manfred Jung/Muettersproch-Gsellschaft, Morstadt Verlag, Kehl 1987

Weblink

• Interview mit em Michael Schneider, 18. Oktober 2017
• Churzbiografy uf logofortbildungen.de
• dr Michael Schneider uf dr Websyte vu „Stottern in Münster e. V.“
• Täxtprobe uf dr Websyte vu dr Muettersproch-Gsellschaft