Morstadt Verlag

Dr Morstadt Verlag isch e Verlagshuus z Kähl.

GschichtBearbeite

 
Titelsyte vu dr Erschtuusgab vum Kehler Grenzbote, 8. Dezämber 1863

Anne 1863 het dr August Morstadt e Zytigs- un Akzidänzdruckerei grindet. Anne 1892 het dr Karl Morstadt, e Suhn vum August Morstadt, dr Verlag ibernuu.

Am 8. Dezämber 1863 isch di erscht Uusgab vum Kehler Grenzbote, dr hitige Kähler Zytig, druckt wore, wu aafangs dreimol in dr Wuche uusechuu isch. Speter isch er zum Kehler Wochenblatt un am 1. Oktober 1898 isch d Zytig unter em Name Kehler Zeitung e Dageszytig wore. Vu 1863 bis 1978 het Morstadt d Kähler Zytig uusegee, vu dr Grindig ab bis 1944 isch d Zytig au no im aigene Huus druckt wore.

Syt 1909 het dr Morstadt Verlag au Biecher druckt, vor allem zue dr Regionalgschicht. Im Erschte Wältchrieg isch d Arbet unterbroche wore, ab 1924 het mer derno wider versterkt Sache druckt.

In dr Zyt vum Nazionalsozialismus het dr Karl Morstadt d Gschäftsfierig vum Verlag an sy Schwigersuhn Otto Foshag ibergee. Dodeermit het er welle verhindere, ass d Zytig entaignet wird, wel är si bi dr Freimuurer engaschiert het.

Vu 1944 bis 1953 het mer dr Gschäftsbedrib rueje loo, wel di franzesisch Bsatzigsmacht d Stadt Kähl annektiert ghaa het un dr Kähler Bevelkerig un dr Kähler Bedrib d Ruggchehr in iri Stadt verbote het. Erscht 1953, noch em ändgiltige Verzicht vu Frankrych uf e rächtsrhyynische Bruggechopf, het mer mit em Widerufböu chenne aafange, d Druckerei isch fascht ganz gschlisse gsii. Vu do ab isch uf dr Zytigsrotazion vu dr Firma Reiff Druck & Verlag z Offeburg druckt wore.

Noch em Zweete Wältchrieg het dr Morstadt Verlag unter dr Laitig vum Otto Foshag näb dr Zytig sischtematisch uf Druckufdreg vum Europarot z Stroßburi gsetzt, wu d Druckerei uusglascht hän. Derzue het dr Morstadt Verlag s Delifonbuech vu Kähl uusegee.

Anne 1964 het em Otto Foshag sy Suhn Fritz Foshag (1934-2014) d Firma Druck & Verlag Morstadt ibernuu. Dr glehrt Buechdrucker un promowiert Bedribswirt het d Druckerei uusböue. Unter dr Laitig vum Fritz Foshag setzt dr Morstadt Verlag vor allem uf Regional-Literatur. Mit dr Unterstitzig vu syre Frau Hildegard as Co-Verlegeri, macht er di alemannisch Sproch wider lieraturfähig. Unter anderem chunnt im Verlag d Buechraie „Neue alemannische Mundartdichtung“ uuse, wu in verschidene „Serie“ aaspruchsvolli Täxt vu aktuälle alemannische Dialäktautore bringt, z. B. vum Nathan Katz („Serie Elsass“), vum Karl Kurrus („Serie Baden“) oder vum Georg Thürer („Serie Schweiz“). Uusegee het die Buechraie dr elsässisch Autor Raymond Matzen. Anderi Biecher, wu bi Morstadt uusecheme, sin »Wie die Würfel fallen« vum André Weckmann »Überwindung der Grenze « vum René Schickele oder »Die Linden von Lautenbach« vum Jean Egen. Dodermit fangt e langi Dradizion vu Biecher rund um s Elsass aa, bis hite ain vu dr Schwärpinkt vum Morstadt Verlag. Unter em Fritz Foshag

Noch em Dood vu dr Hermine Morstadt 1978, dr Witfrau vum Karl Morstadt, un Verlagsbsitzeri, hän si d Erbe entschlosse d Zytig an d Druckerei Reiff z verchaufe. Hite isch d Kähler Zytig aini vu dr Regionaluusgabe vum Offeburger Dagblatt. Anne 1989 wird d Druckerei vum Morstadt mit Rösch Druck zämegfiert un goht in dr Kehler Druck GmbH & Co. KG uf.

Syt Mitti 1980er Johr isch s Verlagsbrogramm dur Raisefierer ergänzt wore.

Anne 2000 het dr Michael Foshag, e Suhn vum Fritz Foshag, dr Verlag ibernuu. Um die Zyt isch dr Lohrer Verlag Moritz Schauenburg ufglest wore. Dr Morstadt Verlag het derno vum Schauenburg s Allgemeine deutsche Kommersbuch ibernuu, wu dert syter anne 1858 uusechuu isch. S Kommersbuch bildet zäme mit andere Studentica en aigeständige Schwärpunkt vum Verlagsbrogramm

D Bindige an Frankrych un s Elsass sin dur e Kooperazion mit em große franzesische Verlag „Editions Ouest-France“ verdieft wore, d Raiusefierer vu sällem duet Morstadt jetz fir Dytschland im Brogramm fiere.

WeblinkBearbeite