D Miriam Klein (* 27. Merz 1937 z Baasel) isch e Schwyzer Jazzsängeri.

Lääbe un Wiirke ändere

Mer chännt d Miriam Klein, syter ass si in dr 1950er Johr z Paris mit em Pierre Michelot, em Don Byas un Art Simmons ufdrätte isch. Noch ere Uusbildig an dr Musikschuel z Wien isch si in d Schwyz retuurgange un het syter 1963 in dr Formatione vu irem Mann Oscar Klein gsunge.

In drn 1960er un 1970er Johr het mer si au international as Sängeri chänneglehrt. Si het in däre Zyt e Album mit Bessie Smith-Titel ufgnuu, 1973 isch dr international Durbruch mit em Album Lady Like glunge, wu dr Billie Holiday gwidmet gsii isch. Dodruf hän Musiker wie dr Roy Eldridge, dr Dexter Gordon un dr Slide Hampton mitgmacht. Si het au Schallblatte mit em Albert Nicholas (1971) un em Wild Bill Davison (1976) ufgnuu.

Anne 1977 het d Klein mit em Fritz Pauer Trio zämegschafft, 1978 mit em Roland Hanna un em George Mraz uf irem Album By Myself. Bim Frankfurter Jazzfestival 1980 het s Hans Kollers International Brass Company mit ere gspiilt. 1981/82 isch si mit em Kenny Clarke, dr Hanna un dr Isla Eckinger uf Tournee gange. 2001 het si au bim Album My Marilyn vum David Klein, irem Suhn, mitgmacht.

Ire Vorbild isch d Billie Holiday, ire gieng s aber drum, „nach der Art nach Billie Holiday zu singen, nicht aber diese zu kopieren“, het d Sängeri gsait. Dr Roy Eldridge het no Blattenufnahme mit dr Miriam Klein gsait: Ihre Stimme wäre für den Film „Lady Sings the Blues“ sehr viel passender gewesen als die von Diana Ross.[1]

Uusglääseni Diskografy ändere

  • Oscar & Miriam Klein Blues & Boogie (1969, Europa) mit Peter Giger, Henri Chaix un Bob Carter
  • Miriam Klein Lady Like (1973, MPS, mit Roy Eldridge, Dexter Gordon, Slide Hampton, Vince Benedetti, Oscar Klein, Isla Eckinger, Billy Brooks)
  • Miriam Klein By Myself (1978, L+R Records, mit Roland Hanna un George Mraz (Widervereffetlichung bi Enja 2012))
  • Miriam Klein Ballads For Loving Kindness (1994, Divox, Duo mit Kirk Lightsey)
  • David Klein My Marilyn (2001, Enja, mit Miriam Klein, Mulgrew Miller, Ira Coleman), Marcello Pellitteri
  • Swiss Radio Days Jazz Live Concert Series – Karin Krog & Enrico Rava & Miriam Klein + Jazz Live Trio (Klaus Koenig, Peter Frei, Peter Schmidlin) (TCB Records, TCB 02262)

Literatur ändere

  • Martin Kunzler: Jazzlexikon. Rowohlt, Reinbek 1988.
  • Barry Kernfeld (Hrsg.): The New Grove Dictionary of Jazz. Macmillan, London, 1995/1996, ISBN 0-333-63231-1
  • Leonard Feather, Ira Gitler: The Biographical Encyclopedia of Jazz. Oxford University Press, New York 1999, ISBN 0-19-507418-1.
  • Bruno Spoerri (Hrsg.): Biografisches Lexikon des Schweizer Jazz. CD-Beilage zu: Bruno Spoerri (Hrsg.): Jazz in der Schweiz. Geschichte und Geschichten. Chronos-Verlag, Zürich 2005, ISBN 3-0340-0739-6.

Weblink ändere

Fueßnote ändere

  1. zit. no Kunzler, S. 631
  Dä Artikel basiert uff ere fräie Übersetzig vu dere Version vum Artikel „Miriam_Klein“ vu de dütsche Wikipedia. E Liste vu de Autore un Versione isch do z finde.