Hauptmenü ufmache

Dr Mittelryynisch Sprochatlas (dt. Mittelrheinischer Sprachatlas, churz MRhSA) isch e Sprochatlas, wu d Sprochgeografii vu dr ryy- und moselfränkische Dieläkt im linksryynische Gebiet vu Ryyland-Pfalz un im Saarland erfasst. Dr MRhSS isch e Lut- un Formenatlas un stellt di areal un di sozial Dimension vu dr Sprochvariation dar. An däm Projäkt isch am Institut fir Gschichtligi Landeskund an dr Universitet Mainz gschafft wore un s isch syter anne 2002 abgschlossen. Finanziert woren isch s dur di Dytsch Forschigsgmeinschaft.

Inhaltsverzeichnis

MethodBearbeite

As Dategrundlag dient em MRhSA di zytlig drännt Erhebig in zwo Ufnahmeserie: d Dateserie 1 umfasst dr Dieläkt vu dr rund 70-Jehrige, ortsgebirtige un ortsfeschte Informante, d Dateserie 2 dr Dieläkt vu dr 30- bis 40-Jehrigen, ebefalls ortsgebirtige Beruefsuuspändler.

Fir d Dateserie 1 sin vu dr insgsamt 2630 Ortschafte vum Arbetsgebiet (Stand 1946) 549 Erhebigspinkt uusgwehlt wore. Dodermit erreicht dr MRhSA fir die Dateserie ne Ortsdichti vu eppe 21 % oder durschnittli 3,2 Erhebigsort pro Gradnetzfäld. Fir d Dateserie 2 isch d Aazahl vu dr Ortschafte us erhebigsökonomische Grind uf 292 verringeret wore.

Zwische 1978 un 1988 sin 2510 Informante befrogt wore. Zerscht emol, in ere erschte Erhebigsserie, isch d Erhebig ganz dr traditionälle Sprochatlante gfolgt: In dr Erhebigsortschafte sin Gruppe vu Gwehrslyt befrogt wore, wu in dr zwote Generation ortsfescht gsi sin, elter wie 70 Johr gsi sin un wu ne manuälle Beruef uusgiebt gha hän (Bure un Handwärcher). In dr zwote Ufnahmeserie isch an dr nämlige Ortschafte un mit dr nämlieg Method e jingeri Informanteschicht befrogt wore. Die Informante vu dr zwote Erhebig sin au in dr zwote Generation ortsfescht un hän au in eme manuälle Beruef gschafft. Im Unterschid zue dr erschte Serie sin si aber zwische 30 un 40 Johr alt gsi un as Dagespändler ortsmobil. Uf em Hintergrund vun ere sonige ufwändige Erhebig leen sich d Uuswirkige zimli gnau abläse, wu ne Altersunterschid un vor allem di areal Mobilitet in dr Ruumstrukture vu dr der Dieläkt verursache.

S Ergebnis vu dr Erhebig isch in eme bimediale Archiv feschtghalte. Des bstoht zum eine us 841 Frogebiecher, wu d Antworte vu dr Gwehrspersone in Lutschrift (IPA) notiert sin, zum anderen us eme Tonbandarchiv vu eppe 2500 Stunde Ufnahmezyt. Dr MRhSA isch dr erscht Sprochatlas gsi, wu di gsamt Erhebig uf Tonband un au original lutschriftlig dokumäntiert het. Im Frogebuech vu dr Dateserie 1 het s 1100 Stichwörter, wu us em Wortschatz vu dr elemäntare mänschlige Läbenswält gnuu sin. Si sin in Abfrogzämmehäng (in Sätz) yybettet un wäre dur Unterstryychig fiirighobe. Nume d Stichwerter sin vum Explorator im Frogebuech notiert wore. Us ökonomische Grind het dr Umfang vum Frogebuech fir d Dateserie 2 uf 440 Stichwerter mieße bschränkt wäre.

D Charte vum MRhSA folgen em Punkt-Symbol-Verfahre. S Ergebnis vu dr dopplete Erhebig sin fir jedes sprochlich Fänomen doppleti Sprochcharte: Eini fir di elter, nit-mobil Generation, eini fir di jinger Generation vu Pändler. Uf em rächte Blatt sin diejenige sprochlige Erschyynige, wu ne Unterschid zum eltere Dieläkt darstelle, rot gsetzt, eso wird em Benutzer dr Serieverglyych lyychter gmacht.

PublikationBearbeite

  • Bellmann, Günter: Einführung in den Mittelrheinischen Sprachatlas (MRhSA). Niemeyer, Tübingen 1994
  • Bellmann, Günter; Joachim Herrgen; Jürgen Erich Schmidt: Mittelrheinischer Sprachatlas (MRhSA). Band 1: Vorkarten. Vokalismus I (Diphthonge des mittelhochdeutschen Bezugssystems). Niemeyer, Tübingen 1994
  • Bellmann, Günter; Joachim Herrgen; Jürgen Erich Schmidt: Mittelrheinischer Sprachatlas (MRhSA). Band 2: Vokalismus II (Langvokale des mittelhochdeutschen Bezugssystems). Niemeyer, Tübingen 1995
  • Bellmann, Günter; Joachim Herrgen; Jürgen Erich Schmidt: Mittelrheinischer Sprachatlas (MRhSA). Band 3: Vokalismus III (Kurzvokale des mittelhochdeutschen Bezugssystems. Vokale in Nebensilben. Sproßvokale). Niemeyer, Tübingen 1997
  • Bellmann, Günter; Joachim Herrgen; Jürgen Erich Schmidt: Mittelrheinischer Sprachatlas (MRhSA). Band 4: Konsonantismus (Dialektalität. Konsonanten des westgermanischen Bezugssystems. Sproßkonsonanten.). Niemeyer, Tübingen 1999
  • Bellmann, Günter; Joachim Herrgen; Jürgen Erich Schmidt: Mittelrheinischer Sprachatlas (MRhSA).Band 5 (2002): Morphologie (Forschungsstand. Strukturgrenzen. Morphologische Karten. Register). Niemeyer, Tübingen 2002

LiteraturBearbeite

  • Bellmann, Günter (1982): Deskriptive Sprachgeographie in der Gegenwart. Zu Konzept und Praxis des Mittelrheinischen Sprachatlasses. In: Rheinische Vierteljahrsblätter 46, 271–287.
  • Bellmann, Günter (1986): Zweidimensionale Dialektologie. In: Günter Bellmann (Hg.): Beiträge zur Dialektologie am Mittelrhein. Stuttgart: Steiner (Mainzer Studien zur Sprach- und Volksforschung 10) 1–55.
  • Bellmann, Günter (1987): Der Mittelrheinische Sprachatlas und das Pfälzische (mit einer Karte). In: Wolfgang Kleiber (Hg.): Symposion Ernst Christmann. Veranstaltet von der Pfälzischen Gesellschaft zur Förderung der Wissenschaften, Speyer. (Kaiserslautern 8./9. November 1985) Vorträge zur Dialektlexikographie, Sprachgeographie und Volksforschung des Westmitteldeutschen. Mit 26 Karten und Abbildungen. Stuttgart: Steiner (Mainzer Studien zur Sprach- und Volksforschung 11) 75–87.
  • Bellmann, Günter (1994): Multidimensionale Dialektgeographie? In: Klaus Mattheier, Peter Wiesinger (Hgg.): Dialektologie des Deutschen. Forschungsstand und Entwicklungstendenzen. Tübingen: Niemeyer (RGL 147) 165–169.
  • Bellmann, Günter (1997): Zur Technik und Aussagefähigkeit zweidimensionaler Dialekterhebung und Dialektkartographie am Beispiel des Mittelrheinischen Sprachatlasses. In: Gerhard Stickel (Hg.): Varietäten des Deutschen. Regional- und Umgangssprachen. Berlin, New York: de Gruyter, 271–290.
  • Bellmann, Günter; Joachim Herrgen; Jürgen Erich Schmidt (1989): Der Mittelrheinische Sprachatlas (MRhSA). In: Werner Veith, Wolfgang Putschke (Hgg.): Sprachatlanten des Deutschen. Laufende Projekte. Tübingen: Niemeyer (Studien zum Kleinen Deutschen Sprachatlas 2) 285–313.
  • Herrgen, Joachim (1994): Kontrastive Dialektkartographie. In: Klaus J. Mattheier, Peter Wiesinger (Hgg.): Dialektologie des Deutschen. Forschungsstand und Entwicklungstendenzen. Tübingen: Niemeyer (Reihe Germanistische Linguistik 147) 131–163.

Weblink)Bearbeite

Mittelryynische Sprochatlas

  Dä Artikel basiert uff ere fräie Übersetzig vu dere Version vum Artikel „Mittelrheinischer_Sprachatlas“ vu de dütsche Wikipedia.

E Liste vu de Autore un Versione isch do z finde.