Muätital

S Muätital (hochdütsch Muotatal) erstreckt sich südöstlich vo Schwyz, em Kantonshauptort vom Kanton Schwyz.

De Ort Muätithal im mittlere Muätital.

Geografii

S Tal wird vom namensgäbende Fluss Muota durflosse und lit gröschtetails uf em Gebiet vo de politische Gmaind Muätithal. Im Norde wird s Tal dur staili Bärghäng vom Hoch-Ybrig bildet, im Süde begränzed d Häng vom Fronalpstock, Chaiserstock (2'515 m ü. M.) und vom Wasserberg.

Hinder em Dorf Muätithal zwigt südöstlich s Bisistal ab. Us däm Sitetal chunnt au d Muäta. Nordöstlich stigt s Muätital zum Pragelpass ufe, wo e Verbindig is Glarnerland ermöglicht. Vo döt obe abe chunnt en Bach, wo Starxlen haisst.

Bsuecher im Hölloch.

Diwärses

Im Muätital isch de Ygang zum Hölloch, em längste Höhlesystem vo Europa.

Übers Tal use bekannt sind d Wätterfrösch, di sogenannte Muätithaler Wätterschmöcker.

De Film «Das Erbe der Bergler» (2006) vom Erich Langjahr isch gröschtetails im Muätital drait worde.

Öffentliche Vercher

E Buslinie vo de Auto AG Schwyz erschlüsst s Muätital vom Baanhof Schwyz z Seewe über de Kantonshauptort. Es git vorne im Tal e Standsailbaan uf de Stoos ufe. Chli witer hine fahrt e Sailbaan uf d Sunneterasse Illgau ufe. Und zhinderst im Bisistal wär no d Sailbaan uf d Glattalp.

Weblink

 Commons: Muotatal – Sammlig vo Multimediadateie

• Erwin Horat: Muotathal. In: Historisches Lexikon vo dr Schwiiz.
• Website vo de Hölloch-Forschig

46.9764588.764229