Narrezumft

D Narrezumft isch dr Uusdruck fir di lokale Fasnetsverein vu dr schwebisch-alemannische Fasnet. D Zimft sin vilmol in dr Rächtsform vun eme yydraite Verein e. V. organisiert.

Zwäck un Uusrichtig

Plätzlerzumft Waegaate

D Narrezimft bfläge d Fasnetsbryych in ihrene Heimetortschafte. Doderzue ghere d Uusrichtig vun dr draditionälle Veraastaltige wie s Narrebaumsetze am Aafang vu dr Fasnet oder dr Umzug, wu vilmol Narresprung gnännt wird. Jedi Narrezumft het ei oder mehreri Gruppe (Figure), wu s glyych Hees drage. D Figure gehn vilmol zruck uf historischi Ereignis, Legände oder Sage us em Heimetort vu dr Zumft, so wie bi de Erdmännle.

Näbe dr Gruppe git s in vile Narrezimft au no Einzelfigure. Jedi Narrezumft het e eigene Narreruef. Organisiert sin d Zimft zmeischt as gmeinnitzigi yydraiti Verein. Dr Vereinsvorstand wird vilmol Zumftmeischter gnännt.

Narrezimft sin syt em Aafang vum 20. Johrhundert grindet wore, vor allem ab dr 1920er Johr. D Name Narrezumft hätt d Uusrichtig uf s alt Fasnetsbruuchtum solle as bewusste Gegesatz zue rheinische Narre- oder Karnevalsgsellschafte bedone. Mittlerwyyli git s schetzigswyys 1.700 Narrezimft oder -verein im Biet vu dr schwebisch-alemannische Fasnet, wu sich dur Nejgrindige allmeh au no Norde in di evangelische Biet vu dr Bade-Wirttebärg uusbreitet.

Narrevereinigunge

Di meischte Narrezimfte ghere zuen ere Narrevereinigung. Ufgabe vu däne Vereinigunge sin zem Byschpel d Rusgab un Wyterentwicklig vu Richtlinie fir d Yyhaltig vu dr Fastnetsdraditione, d Organisation vu regelmäßige Narredräffe un d Verdrättig vu dr Zimft no usse. Di 1924 grindet VSAN isch di eltsch vu sonige Vereinigunge.

• Alb-Lauchert-Narrenring (ALN), grindet 1983
• Alemannischer Narrenring (ANR), grindet 1969
• Breisgauer Narrenzunft (BNZ), grindet 1934
• Freie Narrenvereinigung Mittlerer Schwarzwald, grindet 1994
• Freie Narrenvereinigung Waldgau, grindet 1982
• Narren der Alb-Donau-Region (ADR), grindet 1988
• Narrenfreunde Heuberg (NFH), grindet 1979
• Narrenfreundschaft Südlicher Heuberg
• Narrenfreundschaftsring Schwarzwald-Baar-Heuberg (NFRSBH), grindet 1966
• Narrenfreundschaftsring Zollern-Alb (NFRZA), grindet 1978
• Narrenring Oberer Neckar (NON), grindet 1969
• Narrenvereinigung Hegau-Bodensee (NVHB), grindet 1959
• Narrenvereinigung Kleggau (NVK), grindet 1978
• Narrenvereinigung Voralb-Neckar-Allgäu-Bodensee (VNAB), grindet 1997
• Närrischer Freundschaftsring Neckar Gäu (NFRNG), grindet 1968
• OHA-Narrenbruderschaft (OHA), grindet 1956
• Ortenauer Narrenbund (ONB), grindet 1981
• Schwarzwälder Narrenvereinigung (SNV), grindet 1971
• Verband Alb-Bodensee-Oberschwäbischer Narrenvereine (VAN), grindet 1990
• Verband Oberrheinischer Narrenzünfte (VON), grindet 1937
• Vereinigung Freier Oberschwäbischer Narrenzünfte (VFON), grindet 1969
• Vereinigung Hochrheinischer Narrenzünfte (VHN), grindet 1964
• Vereinigung Schwäbisch-Alemannischer Narrenzünfte (VSAN), grindet 1924

D Narrezimft vu Rautweil, Oberndorf, Elzach un Iberlinge ghere zue keire vu däne Narrevereinigunge. Si bilde unterenander dr Viererbund ohni Organisationsstruktur un schriftligi Satzig.

Weblink

• Vereinigung Schwäbisch-Alemannischer Narrenzünfte

Fueßnote

Dä Artikel basiert uff ere fräie Übersetzig vum Artikel „Narrenzunft“ vu de dütsche Wikipedia. E Liste vu de Autore un Versione isch do z finde.