Nora Wilhelm
D Nora Wilhelm (* 25. Mai 1993 z Aarau) isch e Schwyzer Aktivischti un Social Entrepreneur fir d Zyl vu dr Agenda 2030. Si isch Mitgrinderi vu dr Iniziative «collaboratio helvetica» un isch vu dr UNESCO as Young Leader uuszaichnet wore.
Lääbe
ändereD Nora Wilhelm isch z Meyrin uf d Schuel gange un isch frie dur di internazional Uusstrahlig vu Gämf bregt wore. In ire Juged isch si as Aktivischti, Freiwilligi un Praktikanti fir Entwickligs-NGO bi verschidene UN-Jugedkumferänze mitgmacht un het si im Europäische Jugedbarlemänt (EJP) engaschiert[1]. Si het vu 2014 bis 2016 s EJP Schwyz bresidiert un derno d Brojäktlaitig[2] vun ere Internazionale Session (Laax 2016) ibernuu, wu Jugedligi vu Europa unter dr Schirmherrschaft vum Bundesrot Didier Burkhalter zämebrocht het. As „Millennial“ kritisiert si, ass d Bolitik nume gege Simptom kämpft un ass mer si z wenig mit dr Grundursache vu dr gsellschaftlige Rusforderige vu unsere Zyt ussenandersetze duet.[3] Si plediert fir e sterker Sischtemdänke no Otto Scharmer, Donella Meadows un Peter Senge.
Si het Internazionali Bezieige an dr Uniwersitet St. Galle studiert un e Master in Sozialer Innovazion an dr Universität Cambridge gmacht. Si wohnt z Bärn.
Anne 2023 het si s well • change atelier mitgrindet, wu chunscht-basierti Prozäss un Wärchzyg fir d Ferderig vu Verbundehait un Kreativitet un fir e besseri Zuechumft aabietet.
Wirke
ändereAs Co-Grinderi vu «collaboratio helvetica» vernetzt si syt 2017 Aktivischte*ne, wu d 17 Zyl vu dr Agenda 2030 fir nohhaltigi Entwicklung (SDGs) vu dr Verainte Nazione (UN) in dr Schwyz firschibringe. Dur verschideni Forme vum Zämeschaffe[4] un dur soziali Innovazion wän si ne sischtemische Wandel zue meh ekologischer Noohaltigkeit, Mänschligkeit un Gmainwohl in dr Schwyz aastoße. D Nora Wilhelm dritt an Hochschuele un an Veraastaltige vum effetlige un privatwirtschaftlige Säkter uf.
- Zum Uftakt vu dr SDG-Ringvorläsig vu dr ETH Züri isch d Nora Wilhelm Keynote-Speakeri gsii.[5]
- D Diräkzion fir Entwicklig un Zämenarbet (DEZA) het si as Keynote-Spekeri an d Johreskumferänz vu dr Schwyzer Entwickligszämenarbet 2019 glade.[6][7]
- Am TEDx Lozärn het si mit ire Red «The Hidden Variable of Societal Transformation» uf si ufmerksam gmacht.[8]
Uuszaichnige
ändereD Jury vu Forbes 30 under 30[9][10] het d Nora Wilhelm 2020 uf d Lischt vu dr 30 Schwyzer Lyt unter 30 gsetzt. Si zaichnet Lyt uus, wu mit unternämerischem Dänke un innovative Idee d Probläm vu dr Zyt aagehn.
D Nora Wilhelm isch aini vu dr 35 Finalischtene fir dr «Young Champions of the Earth» Bryys 2020 gsii[11], wu dur s Umwältprogramm vu dr Verainte Nazione (UNEP) vergee wird.
Die Junior Chamber International (JCI) Switzerland würdigte Nora Wilhelm 2019[12] für ihren außergewöhnlichen Einsatz in der Kategorie Umwelt und Ethik.
Anne 2018 isch d Nora Wilhelm vu dr International Youth Foundation as aini vu 20 Young Global Leaders[13] uuszaichnet wore, wu d Zyl vu dr Agenda 2030 mit Noodruck verfolge un uf Veränderige wirke dien. S Aidgnessisch Departemänt fir uuswärtigi Aaglägehaite (EDA) het si nominiert ghaa.
Anne 2018 het d Zytschrift annabelle d Nora Wilhelm as aini vu 80 Schwyzer Macherne uuszaichnet.[14]
Weblink
ändere
Commons: Nora Wilhelm – Sammlig vo MultimediadateieFueßnote
ändere- ↑ Tribune de Genève: Elles ont représenté la Suisse à Istanbul, 20. April 2012
- ↑ 300 Jungpolitiker in Laax. suedostschweiz.ch, 4. Oktober 2016, abgruefen am 26. November 2020.
- ↑ Frank Heiniger: Kaffe mit Nora Wilhelm, Social Entrepreneur. Finanz und Wirtschaft, 27. Juli 2018, abgruefen am 26. November 2020.
- ↑ Le Temps: La Suisse s'est construite en collaborant. Erschienen am 6. März 2017
- ↑ ETH: SDG Lecture Series. ETH Zürich, abgruefen am 20. Oktober 2020 (änglisch).
- ↑ Nora Wilhelm: Was ist der Sinn meines Lebens? EDA, 21. Juni 2019, abgruefen am 20. November 2020.
- ↑ Auch die Schweiz ist ein Entwicklungsland. swissinfo.ch, 1. August 2019, abgruefen am 26. November 2020.
- ↑ Nora Wilhelm: The Hidden Variable of Societal Transformation. TEDx, 31. Oktober 2019, abgruefen am 20. November 2020 (änglisch).
- ↑ 30 under 30. Forbes, 12. November 2020, abgruefen am 26. November 2020.
- ↑ 20minuten: Die wichtigsten Köpfe des Landes unter 30. Erschienen am 13. November 2020
- ↑ UN: Young Champions of the Earth. In: unenvironment. UN, 20. Juli 2020, abgruefen am 20. November 2020 (änglisch).
- ↑ Die Gewinner 2019. JCI, abgruefen am 20. November 2020.
- ↑ iyfnet: New Faces convening: Cohort 2030. Abgruefen am 20. November 2020.
- ↑ Annabelle. Silvia Binggeli: Schweizer Macherinnen. 10. Oktober 2018, abgruefen am 20. November 2020.
|
Dä Artikel basiert uff ere fräie Übersetzig vu dere Version vum Artikel „Nora_Wilhelm“ vu de dütsche Wikipedia. E Liste vu de Autore un Versione isch do z finde. |