Alemannische Wikipedia

Notre-Dame-de-Consolation (Pàriis)

Notre-Dame-de-Consolation LL-Q150 (fra)-Mathieu Kappler-Notre-Dame-de-Consolation.wav [nɔtʁədam də kɔ̃sɔlasjɔ̃](info) („Unsra Liawa Fràui vum Troscht“) ìsch a reemisch-kàthoolischa Kàpall ìm 8. Arrondissement vu Pàriis. Sa wìrd hìtt vu dr Priaschterbriaderschàft St. Pius X b’nutzt. S’ Gebäi ìsch zitter 1982 àls Hischtoorisch Dankmol mìt’ra nàzionààla Bediitung àànärkännt.

d’ Üssafàssààda vu Notre-Dame-de-Consolation
Dialäkt: Mìlhüüserdiitsch

wu sa lììgt

ändere

D’ Kàppall lììgt àm 23 Rue Jean-Goujon biim Seineufer ìm Viartel vu da Champs-Élysées. Àm Nr. 15 schteht d’ Kàthedrààla vum Johànnis em Taifer vu dr Àrmeenischa Àpostoolischa Kìrìch.

Gschìcht

ändere

Àn dara Schtälla-n-ìsch zallamols a Holzschopf gsìì, wu àb 1885 d’ Woohltaatikaitverànschtàltung „Bazar de la Charité“ schtàttgfunda hàt. Àm 4. Mai 1897 ìsch ìm Schopf a Groossbrànd gsìì, wo ìwwer 120 Litt geteedet hàt.[1][2] Ìm Brànd ìsch unteràndrem d’ Harzoogin Sofia ìn Baira, d’ Schwäschter vu dr Kaiserin Sisi, ums Laawa kumma.[3]

Noh-n-em Brànd hàt d’ Madame de Castellane dr kàuift, fìr doo a Gotteshüüs bàuija, wo àls Sììhnakàppal fìr d’ Bràndopfer hàt solla diana. Bii da Bàuiàrweta hann d’ Laaser vun Le Figaro finànziäll mìtg’hulfa.[3] Àm 4. Mai 1898 hàt maa dr Grundschtai g’sätzt; d’ Kàpall Sa ìsch àm 4. Mai 1900 iigwäjt worra. Fìr dr Plààn hàt dr Àrkitäckt Albert Guilbert bii dr Waltüssschtällung 1900 d’ guldiga-n-Üsszaichnung bikumma.[2]

Ìm Làuif vum 20. Joohrhundert hann zwai Kongregàzioona dia Kàpall bnutzt: z’äärscht d’ Hìlfschwäschtra vum Faagfiir (sœurs auxiliatrices du Purgatoire) vu 1900 bis 1953, un d’rnooh d’ Itàliaanischa Kàthoolischa Missioon vu Pàriis vu 1953 bis 2012.[2] Ìm Gebäi ìsch àui a Kültüürzäntrum gsìì, wu maa zem Biischpììl Itàliaanisch hàt känna larna.[3] Ìm Janner 2013 sìnn d’ itàliaanischa Glàuiwiga ìn d’ Kìrìch Saint-Pierre-de-Chaillot versätzt worra. Zitterhaar wìrd s’ Gebäi vu dr Priaschterbriaderschàft St. Pius X b’nutzt: Àm 17. März 2013 hàt doo dr FSSPX-Bischoof Bernard Fellay d’ äärschta tridentiinischa Mass g’fiirt.[4] D’ Piusbriaderschàft hàt dr Choorumgàng üss Bronza un Màrmor wììder iig’rìchta, wia ’s vor dr Litürgiireform gsìì ìsch.[5] Ìn dr Kruft vu Notre-Dame de la Consolation fìndet àlla zwai Joohra dr Kongrass vu dr tràdizionàlìschta theoloogischa Zittschrìft Le Courrier de Rome schtàtt.[6]

Àm 19. Hornung 1982 ìsch d’ Kàpall àls Hischtoorisch Dànkmol vu nàzionààler Bediitung klàssifiziart worra.[7]

B’schriiwung vum Gebäi

ändere

Ìwwer’m Portààlbooga sìnn zwai Schtàtüüta, wo Glàuiwa un Gottesliawa versìnnbìldliga. Grààd unta schteht dr Wìdmungsiischrìft À Notre-Dame de Consolation („züa Unsra Liawa Fràui vum Troscht“) un s’ Brànddààtum vum 4. Mai 1897. Naawadràà schteht d’ Bìttung vum Paulus Ne vous attristez pas comme ceux qui n'ont pas d'espérance — „Säjga nìt trüürig wia d’ Àndra, wo kää Hoffnung hann“, (1 Thess 4,13 EU).[8] Um d’ Kàpall umma-n-ìsch a Gàng. Ìm Gàng, wo d’ Kàppall umkrais, ìsch a Kriizwaag mìt Grààbtàfla fìr d’ Opfer vum Brànd eehra.[3][9] ’S ìsch àui a Schtàtüüta vu dr Harzoogin Sofia ìn Baira.[3]

D’ Schtàtüüta vum Ìnnera hàt dr Louis-Auguste Hiolin g’màcht, wahrend àss dr Henri Carot hàt d’ Glààsfanschter (drunter dia vu dr Mariä Hìmmelfàhrt un vu dr Pietà) harg’schtällt. D’ Kuppelmoolaräi hàt dr Albert Maignan zamma mìt’m Henri Zo g’moolt; doo druff ìsch a Düüwa vum Hailiggaischt z’ sah.

a pààr Bìlder

ändere
  •  
    dr Lìnksschtaaga, wo zem Portààl fiahrt
  •  
    s’ Portààl
  •  
    Schtàtüüta un Iischrìfta-n-ìwwer’m Portààl
  •  
    Schtàtüüta biim Portààl
  •  
    Schtàtüüta biim Portààl
  •  
    d’ guldiga Schtàtüüta-n-uff dr Kuppel
  •  
    ìn dr Kàpall ànna 2021
  •  
    a tridentiinischa Mass ìn dr Kruft

Lìteràtüür

ändere
  • Jean-Marie Pérouse de Montclos: Le guide du Patrimoine: Ile-de-France. Hrsg.: Kültüürminìschterium vum Frànkrììch. Pàriis 1988, S. 251 (französisch).
  • Philippe Sorel: Guide du promeneur 8e arrondissement. Pàriis 1995 (französisch, paris-promeneurs.com [abgerufen am 17. März 2024]).

Weblìnks

ändere
  Commons: Notre-Dame-de-Consolation (Pàriis) – Sammlig vo Multimediadateie

Ainzelnoohwiisa

ändere
  1. ↑ Anne Bernet: Notre-Dame de Consolation, les flammes et les larmes du Bazar de la Charité. In: Aleteia. 3. Mai 2023, abgruefen am 3. Dezember 2023 (französisch).
  2. ↑ 2,0 2,1 2,2 Chapelle Notre-Dame de la Consolation. In: Le Piéton de Paris. 18. Juni 2018, archiviert vom Original am 21. März 2023; abgruefen am 3. Dezember 2023 (französisch).
  3. ↑ 3,0 3,1 3,2 3,3 3,4 La Chapelle N. D. de Consolation - Paris 8e. In: paris1900.lartnouveau.com. Archiviert vom Original am 28. September 2022; abgruefen am 3. Dezember 2023 (französisch).
  4. ↑ Dräi Kwalla:
  5. ↑ Régine Salens: La Chapelle Notre-Dame de Consolation. In: Noblesse & Royautés. 4. September 2015, archiviert vom Original am 14. Mai 2017; abgruefen am 3. Dezember 2023 (französisch): „La Fraternité, qui dessert aussi Saint-Nicolas du Chardonnet, a fait effectuer des travaux de restauration sur le site, en particulier la remise en place de la clôture du choeur en bronze et marbres qui avait été mise au rebut.“
  6. ↑ Dräi Kwalla:
  7. ↑ Chapelle Notre-Dame-de-Consolation ìn dr Base Mérimée vum frànzeescha Kültüürminìschterium (frànzeesch)
  8. ↑ Des phénomènes étranges auraient eu lieu dans cette petite chapelle située au cœur de Paris... In: Paris ZigZag. Archiviert vom Original am 3. Dezember 2023; abgruefen am 3. Dezember 2023 (französisch).
  9. ↑ Thomas Martin: Paris : connaissez-vous cette chapelle construite sur les cendres d'un terrible incendie ? In: actu Paris. 10. September 2023, archiviert vom Original am 21. März 2023; abgruefen am 3. Dezember 2023 (französisch).
  Dä Artikel basiert uff ere fräie Übersetzig vu dere Version vum Artikel „Chapelle_Notre-Dame-de-Consolation_de_Paris“ vu de französische Wikipedia. E Liste vu de Autore un Versione isch do z finde.

Koordinate: 48° 51′ 56″ N, 2° 18′ 21,7″ O

Vun "https://als.wikipedia.org/w/index.php?title=Notre-Dame-de-Consolation_(Paris)&oldid=1050269"