Obersäckinge
Obersäckinge isch e ehemoligi Gmeind im Landchreis Waldshüet und sit 1935 e Ortsdeil vo de Stadt Bad Säckinge. Es hät ca. 2000 Ywohner.
Obersäckingen Gmeind Bad Säckinge
| |
|---|---|
| Dialekt: | Alemannisch |
| Hauptvariante: | Hochalemannisch |
| Regionalvariante: | Hotzewälderisch |
| Höchi: | 290 m |
| Iigmeindig: | 1935 |
| Regierigsbezirk: | Fryburg |
| Landchreis: | Waldshüet |
| Poschtleitzahl: | 79713 |
| Vorwahl: | 07761 |
| Nummereschild: | WT |
De Ortsdeil gränzt im Oste diräkt an de Ortskärn a und litt uff 290 Meter über em Meerspiegel.
Obersäckinge isch dütlig älter wie de benochbert Ortskärn vo Säckinge. Sini Lag in de Rhyebeni hät scho in de Stei- und Bronzezit Mänsche Sydligsruum botte und spöter hän sich d'Alemanne dört nyderglo.
De Bau vo-n-re Chirch z Obersäckinge durch de Chonschtanzer Bischof Ulrich II. im Johr 1135[1] isch schriftlig nochgwyse. D'Grichtbarkeit hän d'Grafe vo Habsburg usgiebt, bis sich im 14. Johrhundert s Hus von Schönau-Wehr als Herrscher hät chönne behaupte. 1628 isch d'Ortschaft an s Hus Schönau-Oeschge gfalle, wo in de Stadt asässig gsi isch. Sälli Züeghörigkeit, wo bis zum Ussterbe vom Hus Schönau-Oeschge im 19. Johrhundert durt hät, wird im Wappe durch zwei Ring under re Danne vermittelt.
Im 19. Johrhundert hät d'Industry an Bedütig gwunne; vo sällemols 64 Hushalt sin numme no 11 landwirtschaftlig gsi. D'Ywohnerzahl vo de Stadt isch schnäll agstyge. Im glyche Johrhundert, nämlig 1863, isch noch me afänglige Konflikt mit de Bezirksbürokrate vo Bade di alti Chirch uss em 12. Johrhundert bis uff de Chor vo 1490 abgrisse worre. Di jetzigi Chirch isch s Werk vom Heinrich Hübsch und gältet als eini vo de beste Chirche am Hochrhy uss em 19. Johrhundert.
Wyl Obersäckinge immer meh mit em benochberte Säckinge zämmegwachse isch und di beide Ort au vyli wirtschaftligi Beziehige mitenand gha hän, hät mer's 1935 uff Säckinge ygmeindet. Es isch dodemit de ältst Ortsdeil vo Säckinge.
Quelle
ändere
