Ripplinge
Ripplinge isch e Ortsdeil vo Bad Säckinge im Landchreis Waldshüet. Es isch 1972 ygmeindet worre und vorher e selbständigi Gmeind gsi. De Ort bstoht uss 91 Gwanne und litt oberhalb vo Obersäckinge.
Rippolingen Gmeind Bad Säckige
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Regionalvariante: | Hotzewälderisch |
| Höchi: | 550 m |
| Flechi: | 3,65 km² |
| Iiwohner: | 850 |
| Bevölkerigsdichti: | 233 Iiwohner/km² |
| Iigmeindig: | 1. April 1972 |
| Regierigsbezirk: | Fryburg |
| Landchreis: | Waldshüet |
| Poschtleitzahl: | 79713 |
| Vorwahl: | 07761 |
| Nummereschild: | WT |
| Dialäkt: Markgräflerisch (Lörrach) |
Di erschti urkundligi Erwähnig goht uff s Johr 1372 zruck; de Ort hät sällemols scho „Rippolingen“ gheiße und isch lang vorher scho vo Alemanne bsydelt gsi. 1372 hät de Brüederhof Ripplinge verchauft, hät aber witerhy dürfe d'Grichtsbarkeit usiebe. D Bure vo Ripplinge hän in Masse Hafer broduziert, wie mer an de Zinsabgabe seh cha. Im Ort isch de „München Hof“ (Mönchehof) gstande, wo d'Verwaltig dinne asässig gsi isch.
Im Johr 1448 isch de Ort an de Stift Säckinge übergange. 1477 isch er vo de Äbtissin komblätt an de Jakob vo Schönau witerverchauft worre, 1628 isch es an Ott-Öschge cho. Nochdem sälli Linie usgstorbe gsi isch, hät Ripplinge zu von Schönau-Wehr ghört.
Im 19. Johrhundert hän vyli Ywohner agfange in Fabrike schaffe. Bis ins 20. Johrhundert yne isch au Band-, Lyne- und Baumwullwäberei bedrybe worre.
De Erscht Wältchrieg hät sechs Ywohner vo Ripplinge s Läbe chostet; drei sin vermisst worre.
De Ripplinger Ortschaftsroot bstoht uss sechs Sitz (vier devo CDU und zwei Bündnis 90/Grieni) und me Ortschaftsroot, im Thomas Gehr.
Quelle ändere
- Ortsteile uf bad-saeckingen-tourismus.de
