Olonetzischi Sproch

Dialäkt: Undermarkgreflerisch

Olonetzisch (Aunus)
Verbreitig:	Russland
Linguistischi Klassifikation:	Uralischi Sproche Finno-ugrisch Oschtseefinnisch Karelisch Olonetzisch
Sproochchürzel
ISO 639-1	-
ISO 639-2	fiu (anderi finno-ugrischi Sproche)
ISO 639-3	olo

S Olonetzisch oder Livvisch (olonetzisch livvi, eschtnisch livvi keel, finnisch aunuksenkarjala) wird vu rund 20.000 Mänschen in dr Republik Karelien im Nordweschte vu Russland nerdli vum Ladogasee gschwätzt. Derzue git s rund 5.000 Sprächer z Finnland.^[1] S Olonetzisch ghert zäme mit em Lüdisch un em Karelisch zue dr Karelische Sprochgruppe.

Derwlyscht s Olonetzisch in dr russische Sprochwisseschaft as Dialäökt vum Karelisch aagluegt wird, wird s in dr finnisch Sprochwisseschaft as aigeständigi Sproch gwärtet.

Alfabet

A a	B b	Č č	D d	Ǯ ǯ	E e	F f	G g
H h	I i	J j	K k	L l	M m	N n	O o
P p	R r	S s	Š š	Z z	Ž ž	T t	U u
V v	Ü ü	Ä ä	Ö ö	'

Syt 2007 wird s karelisch Alfabet bruucht, aber ohni s Ǯ ǯ.

S Sprochegremium empfiilt syt 2007, dr Buechstab <ü> nimi z bruuche un statt däm e <y> z schryybe- In e Dail Wärch wird aber allno s <ü> bruucht.^[2]

Mit em Zaiche <'> wird e Palatalisierig aazaigt.

Sprochligi Bsunderhaite

Unterschiid zum aigetlige Karelisch sin zum Byschpel

en Aazahl vu Uusdruck us em Wepsisch,
en Aazahl vu Uusdruck us weschtbaltische Sproche (in dr sunschtige karelische Sprochgruppe sälte),
e sterkere Yyfluss vum Russisch,
d Uussproch (mee stimmhafti Konsonante wie im aigetlige Karelisch)

Literatur

Werterbuech Olonetzisch Russisch (ca. 20.000 Werter), Petrosawodsk 1990
Arvo Laanest: Einführung in die ostseefinnischen Sprachen. Helmut Buske Verlag, Hamburg, 1982, ISBN 3-87118-487-X.

Weblink

D Wikipedia uff Olonetzisch

Oma Mua – Wuchzytschrift uf Olonetzisch
Karelisch, Enzyklopädie des europäischen Ostens (EEO), Universität Klagenfurt

Fueßnote

↑ Livvi-Karelian
↑ Bericht über Änderungen durch das Sprachgremium in der Internetausgabe der karelischen Zeitschrift Oma Mua. Abgruefen am 22. April 2014 (olonetzisch).

Dä Artikel basiert uff ere fräie Übersetzig vu dere Version vum Artikel „Olonetzische_Sprache“ vu de dütsche Wikipedia. E Liste vu de Autore un Versione isch do z finde.

[1] Livvi-Karelian

[2] Bericht über Änderungen durch das Sprachgremium in der Internetausgabe der karelischen Zeitschrift Oma Mua. Abgruefen am 22. April 2014 (olonetzisch).

[1]

[2]