Ostfränkisch isch die südöstligi Dialäktgrubbe vo de fränkische Mundarte und ghöört as Hochfränkisch innerhalb vom Dialäktkontinuum zum Übergangsberiich zwüschen em middeldütsche und em oberdütsche Sproochruum. Es wird im Allgemäine zur oberdütsche Grubbe zelt. S ostfränkische Sproochgebiet goot vo dr Region Heilbronn-Franke und Tauberfranke in Baade-Württebärg über die bayrische Regierigsbezirk Middel-, Unter- und Oberfranke, Südthüringe über s bayrische Vogtland bis in dr Übergangsberiich vom säggsische Vogtland. In Hesse schwätzt mä Ostfränkisch vor allem im Beriich vo dr Rhön. Bis zur Verdriibig vo de Dütschbööme isch s ostfränkische Dialäktgebiet bis in die hütigi Tschechischi Republik gange. Im Volksmund säit mä de ostfränkische Dialäkt, bsundrigs de mainfränkische Mundarte, äifach Fränkisch.

Dr ostfränkischi Sproochruum

Wisseschaftlig dokumäntiert wird s wird s Ostfränkisch dur s Brojäkt „Fränkischs Wörterbuech“, wo sin Sitz sit 2020 z Erlangen het.

Litratuur ändere

  • Jens Sobisch: Fränkisch – Das Deutsch der Franken. Reise Know-How, ISBN 3894164743, auch als Audio-CD.
  • Anthony R. Rowley: East Franconian. In: Charles V. J. Russ (Hrsg.): The Dialects of Modern German. A Linguistic Survey. Routledge, London 1990, ISBN 0-415-00308-3, S. 394–416.
  • Eberhard Wagner, Alfred Klepsch: Handwörterbuch von Bayerisch-Franken. 3., unveränderte Auflage. Fränkischer Tag GmbH, Bamberg 2007, ISBN 978-3-936897-52-4.

Weblingg ändere

  Dä Artikel basiert uff ere fräie Übersetzig vum Artikel „Ostfränkische_Dialektgruppe“ vu de dütsche Wikipedia. E Liste vu de Autore un Versione isch do z finde.