Petra Krebs
| Dialäkt: Undermarkgreflerisch |
D Petra Krebs (* 12. Merz 1969 z Wãnge) isch e dytschi Bolitikeri (Bindnis 90/Di Griene). Syter anne 2016 isch si Mitglid vum Landdag vu Bade-Wirttebärg.
Lääbe ändere
D Krebs isch z Wãnge uf d Grund- un Realschuel gange. No dr Schuel het si ne Lehr zur staatli briefte Vermässigstächnikeri gmacht. Vu 2000 bis 2003 het si derno ne Lehr zur Chrankeschweschter gmacht un ab 2003 in dr neurologische Klinik vu dr Fachklinike Wanga gschafft. Noch ere Wyterbildig zur Praxisaalaiteri in dr Bflääg schafft si as freii Dozänti an dr Gsundhaitsakademy Bodesee-Oberschwobe z Wãẽgaade. Syter 2014 isch si Mitglid vum Bedribsrot vu vum Bedribsuusschuss vu dr Waldburg-Zeil Klinike gsii.
D Krebs isch ghyrote un het zwai Chinder.
Bolitik ändere
Syter anne 2009 isch d Petra Krebs Mitglid vum Gmairot vu dr Stadt Wãnge fir di Grün-Offene Liste (GOL), syter 2014 isch si stellverdrättendi Fraktionsvorsitzeri gsii. Si isch Mitglid un Sprächeri im Vorstand vu dr GOL, vu 2011 bis 2015 isch si Mitglid vum Vorstand vum griene Chraisverstand z Wãnge gii.
Bi dr Landdagswahl z Bade-Wirttebärg 2016 isch si iber e Zwaidmandat in bade-wirttbärgische Landdag gwehlt wore.
Im Landdag isch d Krebs Mitglid im Uusschuss Sozials un Integration un im Petitionsuusschss. Derzue isch si stellverdrättend Mitglid im Uusschuss fir Inners, Digitalisierig un Migration, im Uusschuss fir Kultus, Juged un Sport, im Uusschuss fir Wisseschaft, Forschig un Chunscht, im Uusschuss fir Ländlige Ruum un Verbruucherschutz un im Uusschuss fir Europa un Internationals.
Sunschtigs Engaschmänt ändere
- Mitglid vu dr Gwerkschaft ver.di
- Mitglid vu dr Kulturgemeinde Wangen im Allgäu e .V.
- Mitglid vum Altstadt- und Museumsvereins Wangen im Allgäu e. V.
- Mitglid vum Partnerschaftsvereins Wangen im Allgäu e. V.
- Mitglid vu dr Steuerungsgruppe Fairtrade-Town Wangen im Allgäu
- Ferdermitglid in dr Projäkt- un Kampagnenarbet vu dr Christliche Initiative Romero e. V.