Piccoloflötè

Piccoloflöte
en.: piccolo, octave flute; it.: flauto piccolo, ottavino
Klassifikation	Aerophon Holzblasinstrument mit Anblaskante
Donumfang	(Klingend notiert)
Verwandti Instrumänt	Querflöte
Musiker
Liste von Flötisten Kategorie:Flötist

D Piccoloflötè (au: ès Piccolo) isch è chlyneri Bauform vo dè Querflötè. Si isch è Oktavè höcher gschtimmt un isch s högschte klassische Holzblõsinschtrumänt.

S Piccolo isch ca. 32 cm lang, öppè halb so groß wiè d Querflötè un hèt èn Durchmesser vo 1 cm. S Piccolo cha uss Holz odder Metall bschtõ, mengmòl git s au Piccolos uss Kunschtoff. D Klappè sin meischtens uss Neusilber gmacht un wörred vosilberèt odder au vonicklèt.

Gschichtè

Édouard Manet: „Dè Pfyfer“

È früèni Form vo dè Piccoloflötè findet sich sit èm Mittelaalter i dè Milidärmusig, als è Schwegelpfyfè mit sechs Löcher, wo gmeinsam mit dè chlynè Drummlè dè tûpische Klang vo dè Infantry uusmacht. In sellèm Konnex haaltet sich s Inschtrumänt bis is 19. Johrhundert. Barallel dezuè wörd vosuècht, diè neu entwicklètè Traversflotè in anderè, also au höcherè, Stimmlagè z bauè. So isch s Piccolo im Lauf vo dèd Zit dè glychè baulichè Entwicklungè wiè d Querflötè unterlegè un isch ab dè zweitè Hälfti vom 20. Johrhundert au immer hüüfiger mit èm Bööm-Sischteem vosää worrè.

Für Milidär- un Blõsmusig isch s Piccolo au in anderè Stimmungè wiè des² odder es²' ' baut worrè, Selli Inschtrumänt sin hüt abber nu mee seltè aazdrèffè.

Vowendig i dè Musig

Schon i dè Barockmusig hèt s Partiturzylè mit Bezeichnungè wiè flauto piccolo odder flautino gää, es isch aber unklar gsi, ob selli Stimmè tatsächlich für ü chlyni Querflötè odder nit doch für è hochi Blockflötè komponyrt sind.

Spôteri Komponischtè hèn das Piccolo einersits ygsetzt, um durch d Nõchaamig vo dè Pfyfè i dè Janitscharèmusik è exotischs Kolorit z erzüügè (wiè im Mozart sinèrè Entfüürig odder im Duètt mit èm Kontrafagott im Beethoven sinèrè 9. Simfony) odder für schrilli, naduräänlichi Effèkt wiè s Pfyfè vom Sturm odder d Elegtrizidät von èm Blitz (wiè z. B. Beethovè im "Gwitter" vo sinèrè 6. Simfony). In großè romantischè Opèrè findet sich schnydendi Piccolo-Passagè vo allem bi großè Chor- un Schreckensszenè.

Spôteschtens bi Richard Strauss un Gustav Mahler isch s Inschtrumänt è vollwertigs Mitglièd von èm Holzblõsersatz un wörd zitwys au als Soloinschtrumänt ygsetzt.

Eifachi un historischi Formè

Amrikanisches Milidärpiccolo uss dè Bürgerchriègszit.

Piccolo mit 6 Klappè, wiè s hüt a dè Basler Fasnacht vowendet wörd.

Eifachi Bauformè mit nu wènnig odder sogar ganz ooni Mechanig wörred hüt deilwys no i dè Volksmusig vowendet.

Weblinggs

 Commons: Piccolo – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Piccoloflöte“ vu de dütsche Wikipedia. E Liste vu de Autore un Versione isch do z finde.