Pierre Rosenzweig
| Dialäkt: Mìlhüüserisch |
Dr Pierre Rosenzweig (* um 1949 ìm Elsàss; † 11. Oktoower 2021 z’ Eerschtain, Unterelsàss) ìsch a elsassischer Umwalt- un Mänscharachtsàktiwischt gsìì. Protäschtiart hàt’r vor àllem dur Fàschtàkzioona fìr d’ Schliassung vum Àtoomkràftwark vu Fassena un gega d’ Äffnung vu dr Groossa Wäschtumfàhrung vu Schtroossburi.
sii Laawa un Engaschment
ändereDr Pierre Rosenzweig ìsch ums Joohr 1949 ìm Elsàss uff d’ Walt kumma.[1] Ar schtàmmt üss Eerschtain ìm Unterelsàss. Àls Berüaf ìsch’r Gschìchtslehrer gsìì àn dr berüafliga Sekundàrschüal z’ Schlettschtàdt.
Dr Rosenzweig ìsch vor àllem bekànnt gsìì fìr sii Engaschment gega d’ ziwila un militäärischa-n-Àtoomprogràmm vum Frànkriich. Schun ìn da 1970 Joohra hàt’r sìch gega d’ Äffnung vum Àtoomkràftwark vu Fassena ìm Owerelsàss iigschtällt.[2] Ar ìsch Vorschtàndmìtglìed gsìì-n-ìm Verain Stop Fessenheim so wia-n-ìm Verainnätzwark Sortir du nucléaire. Ar hàt gsajt, àss d’ Àtoomkràft „dr lätschta Relikt ìsch vu dr Waltmàcht, wo s’ Frànkriich sallamol gsìì-n-ìsch“.[3] Àb’m 18. Àwrìl 2011 hàt’r zamma mìt dräi àndra Nàtüürschìtzer àn’ra Fàschtàkzioon z’ Kolmer mìtgmocht: wahrend dräi Wucha han sa nìcks gassa, fìr d’ andgìltiga Schliassung vum Àtoomkràftwark vu Fassena so wia dr vollschtandiga Àtoomüsschtiig ìm Frànkriich ärfoordra. Unterschtìtzt worra sìn sa vu dr soziàlischta elsassischa Regionààlräätin Cléo Schweitzer,[4] so wia vu bàdischa Àktiwischta.[2] Sallamols ìsch Fassena s’ äältschta frànzeescha Àtoomkràftwark gsìì, wo noch àktiv gsìì ìsch. Ìm Hornung 2013 hàt dr Rosenzweig z’ Schtroossburi d’ Demonschtràzioon „J’aime l’Alsace sans l’atome“ („s’ Elsàss hàni ohna Àtoom liab“) orgànisiart, fìr d’ sofortiga Schliassung vum Karnkràftwark vu Fassena ärfoordra. Doo drbii han d’ Demonschtrànta sìnnbìldig ìm Generàl Kléber d’ Schlìssel vum Karnkràftwark gaa.[5] Ìm Joohr 2015 hàt dr Rosenzweig nochamol gfàschtet, desmol allai uff’m Kléberplàtz vu Schtrossburi, vum 1. bis àm 31. Oktoower.[6][7] Ìm Joohr 2018, vum 23. bis àm 30. Àwrìl, hàt’r zamma mìt da diitscha Àtoomgegner Gustav Rosa un Gisela Keitel uff’m Näitoorplàtz z’ Àlt-Briisàch ìm Bààda gfàschtet, fìr d’ Schliassung vum Karnkràftwark ärfoordra.[8] Àm 30. Àwrìl hàt d’ frànzeescha Regiarung bschlossa, s’ Kràftwark andgìltig z’ schliassa.[9] Ìm Rosenzweig siim Äràchta noh ìsch ìm Kàmpf gega d’ Àtoomkràft dr Nicolas Sarkozy „a vìel schtärker Fìnd [gsìì] àss d’ Angela Merkel“, dänn d’ Àtoomlobby säig schtärker gsìì ìm Frànkriich àss ìm Ditschlànd.[2] Drzüa hàt dr Rosenszweig kampft, fìr àss s’ Frànkriich dr Àtoomwàffaverbotsvertààg unterzaichnet un sii militäärischa-n-Àtoomprogràmm verlosst.
Dr Rosenzweig hàt sìch àui fìr d’ nochhàltiga Làndwìrtschàft betaidigt, bii da Frìnda vum Elsassischa Büürabund un ìm Verain Alsace Nature. Àm And vu da 2000. Johra hàt’r zamma mìt’m berìahmta frànzeescha Umwaltàktiwischt José Bové gfàschtet, fìr gega d’ gentäcknisch veranderta-n-Orgànìschma protäschtiara.[1] Züadam hàt’r fìr d’ Rachta vu da Migrànta kampft: ìm Septamber 2011 hàt’r zehn Tààga làng mìt àcht àndra Manner vor dr Nàzionàlversàmmlung z’ Pàris gfàschtet, fìr gega s’ Besson-Gsätz um d’ Iiwànderung un gega d’ Üsswiisung vu Främda protäschtiara.[10] Üsserdam hàt sìch dr Rosenzweig gega d’ Ärschtällung vu dr Groossa Wäschtumfàhrung vu Schtroossburi schtàrk iigschtällt: àb’m 22. Oktoower 2018 hàt’r zamma mìt niin àndra Gegner gfàschtet.[1] D’ Wäschtumfàhrung hàt’r àls a „grooss nutzloos Projakt“ betràchtet. Àm 12. Nowamber ìsch’r àwwer iigwiisa worra un hàt müassa uffheera àà fàschta.[11]
Ìm Joohr 2020 hàt dr Rosenzweig a „Waltmàrsch fìr Grachtigkait un Frìeda“ wälla orgànisiara, àwwer ìn dr Zwìschazitt ìsch waga dr Covid-19-Waltversöichung d’ Üssgàngsschpärra-n-ìm Frànkriich gsìì.
Ìn siina lätschta Laawesjoohra hàt dr Rosenzweig unteràndrem ìm Département Vosgesa-n-ìm Lothrìnga gwoohnt.[1] Ar ìsch schwerkrànk worra un ìsch àm 11. Oktoower 2021 z’ Eerschtain ìm Unterelsàss gschtoorwa, ìm Àlter vu 72 Joohra. Ar ìsch därt beardigt worra.[12]
Dr Rosenzweig hàt a Tocher un zwai Seehn ghàà.[12]
Nohriaf
ändere- Le militant environnementaliste Pierre Rosenzweig s’en est allé. In: Dernières Nouvelles d’Alsace. 14. Oktober 2021, abgruefen am 17. Oktober 2021 (französisch).
- Bruno Dalpra: Pierre Rosenzweig : salut l'ami ! In: Le Club Médiapart. 14. Oktober 2021, abgruefen am 17. Oktober 2021 (französisch).
- Nohrüaf uff dr Websitta vum Veraina-Nätz Sortir du nucléaire (frànzeesch)
- Nohrüaf uff dr Websitta vum Verain Stop Fessenheim (frànzeesch)
- Nohrüaf uff dr Websitta vum Verain GOC Non Merci (frànzeesch)
Ainzelnohwiisa
ändere- ↑ 1,0 1,1 1,2 1,3 PORTRAITS - Qui sont les dix militants en grève de la faim contre le GCO de Strasbourg ? France 3 Grand Est, 23. Oktober 2018, abgruefen am 18. Oktober 2021 (französisch).
- ↑ 2,0 2,1 2,2 Sebastian Bargon: Umschwung im Elsass. Deutschlandfunk, 21. April 2011, abgruefen am 17. Oktober 2021.
- ↑ Oliver Gehrs: Strahlkraft. In: fluter. Nr. 72, S. 48 (fluter.de [PDF; 489 kB; abgerufen am 17. Oktober 2021]): „Die Atomkraft ist das letzte Relikt der Weltmacht, die Frankreich einst war“, sagt der französische Atomkraftgegner Pierre Rosenzweig von der Bürgerinitiative „Stop Fessenheim“.
- ↑ AFP: Fessenheim: des militants écologistes débutent une grève de la faim. In: Le Point. 18. April 2011, abgruefen am 17. Oktober 2021 (französisch).
- ↑ Alexia Ighirri: Une semaine de symboles. In: 20 Minutes. 26. Februar 2013, abgruefen am 17. Oktober 2021 (französisch).
- ↑ Fastenaktion von Pierre Rosenzweig in Straßburg. Die Arche, 27. Oktober 2015, abgruefen am 17. Oktober 2021 (französisch).
- ↑ Pierre Rosenzweig mettra fin à son jeûne samedi. In: Dernières Nouvelles d’Alsace. 30. Oktober 2015, abgruefen am 18. Oktober 2021 (französisch).
- ↑ [Fessenheim] Au pain et à l'eau contre la mort radioactive… Jeûne sur la Neutorplatz à Breisach. Alsace Nature, abgruefen am 17. Oktober 2021 (französisch).
- ↑ Ruth Engelhardt: Hungerstreik gegen Fessenheim erfolgreich. Radio Regenbogen, 30. April 2018, abgruefen am 17. Oktober 2021.
- ↑ Un jeûne alsacien devant l'assemblée. In: 20 Minutes. 13. September 2010, abgruefen am 17. Oktober 2021 (französisch).
- ↑ Alsace Nature adresse une lettre ouverte au préfet sur le GCO: "Saurez-vous entendre et éviter le pire ?" France 3 Grand Est, 13. November 2018, abgruefen am 18. Oktober 2021 (französisch).
- ↑ 12,0 12,1 D’ Toodesààzaig vum Pierre Rosenzweig uff LibraMemoria (frànzeesch).