Portal Diskussion:Alemanne

Sali, das isch scho moll e glungene Afang, bravo! Frögli: Sotts nid Alemanne mit zwei n heisse? a isch jo kurz und unbetont --Dr Umschattig red mit mir 15:15, 15. Aug. 2007 (CEST)

Da isch e Froog vom Dialekt. Aber i werds apasse, sowit as goot. Wichtiger isch aber au, asi Unterstützig öberchom. Voralem s Mittelalter und d Noizit isch bi mer nöd so gloifig. --al-Qamar 16:17, 15. Aug. 2007 (CEST)

Im große Ganze isch des e guete Entwurf - brafo! Ich han am Afang dr Ibersichtsartikel Alemanne erwähnt - zur Unterscheidig han i dr Friähzit-Artikel Alamanne mit a gschriibe. Zu andere Details sagi ebis, wänn i zruck kumm - i fahr morn fir drei Wuche furt.
As Bild sott mer e Door üs dr Alemannia nämme (bi jedem Portal e anders). I lad emol e baar lokal uf. --Albärt 23:08, 17. Aug. 2007 (CEST)

Ganz toll des Portal, bravo! Eigetlich chönnt mer's doch jetz i de Namensruum verschiebe, oder hemmer de Portalnamesruum nonüt? --Chlämens 07:08, 8. Sep. 2007 (CEST)

Diä, wu sich mälde, sin iiverstande mit däm guete Entwurf, diä andere schiints aü - suscht miäßti sis sage. Diä zwei Portäler sin zimli wichtig, wel mer bi uns ender ebis iber s Alemannisch bzw. d Alemanne suecht wiä iber d Aschtrologii oder d Schiffahrt im Pazifik. Un wel mer mit em Suechfänschter halt aü wennig findet un s Inhaltsverzeichnis kumpliziärt isch, wärs guet, mer hätt iber diä zwei Portäler e schnälle Zuegriff. Wäge däm han ich jetze uf dr Houpsytvorschlag-Sitte e Hiiwiis uf d Portäler iigfiägt. I frog bim Melancholie, eb er diä Portäler im Namensruum ka iirichte. Wänn nit, sott eber mi Hiiwiis farblig usw. verbessere un uf d richtig Houptsyte stelle. Wänn do nyt in dr nägschte 14 Dag bassiärt, mach ichs. --Albärt 20:39, 4. Nov. 2007 (CET)

Velicht isch en Namesruum Portal nöd umbedingt nötig. Me chöntet die beide jo wie Artikle bihandle und die denn Portal:Alemannisch bzw. Portal:Alemanne nenne. Da wäär jo denn wenigstens för de Aafang e Lösig. --al-Qamar 09:15, 5. Nov. 2007 (CET)

Alemanne (Neuzyt)

Derf mer do jetz no unsre Nejuusrichtig vum Artikel Alemannen die ganze hochmittelalterlige un nejzytlige Sache uuseneh? Vgl. die Diskussion. --Holder 14:44, 13. Okt. 2010 (MESZ)

Lieber nöd sofort. Natürli, ainzelni Artikle wie de Joß scho; prinzipiell cha minetwege ales zwösched 1100 und 1800 usegnoo were. Aber bizüglich Herzogtum Schwoobe und de Noizitt möchti zerscht d Abgrenzig gnau dischgeriere.

S erscht isch, ab wenn me nüme vo Alemanne rede söll. Artikle wie Baar oder Udalrichinger chöned woll no dezue zällt were, aber Artikle wie Zähringer nüme. Aber wa isch mit em Notker oder em Chloster Sanggale? E Stichjoor haut irgedwie nöd hii.

Bi de Noizitt git s durchuus Artikle wo miner mainig driighööre chönnted, nämli Alemannische Separatismus oder d Zytig Der Alemanne. D Donauschwoobe ghöred aber wider aidüttig use. I ha no kai Idee, wie da gnau uussie söll. Noizitt, sofern mers hend wöle do ine loo, noi erst ab 1800 (Stichdatum: 1803, em Hebel sini Allemannische Gedichte"). --al-Qamar 15:22, 13. Okt. 2010 (MESZ)

Aso usenee tääti scho jet: Habsburger, (2x), Zähringer, Hzgt. Schwoobe samt allne Herzög, Bundschuebiwegig, Donauschwoobe, Joß Fritz, Schlacht bi Friburg und Vorderösterriich. --al-Qamar 15:29, 13. Okt. 2010 (MESZ)

Die ganz Diskussion um dr Artikel "Alemanne" goht jo grad drum, eb mer di historische Alemanne un di nejzytlig Verwändig vum Begriff soll ussenanderhalte oder eb mer die zämmedue derf/soll. Do in däm Portal goht s jo ebe nit um d Gschicht vu dr Region, ebe nit um d Gschicht vu dr Bevelkerig mit ere Kontinuitet vu dr Alemanne bis zue dr hitige alemannischsprochige Lyt. Ich find s zimli komisch, ass mer do us dr Nejzyt nume no Artikel soll uffiere, wu s um dr Begriff "Alemanne" goht, villicht sogar no dr Artikel Alemannia Aachen? Ich fänd s wäge däm besser wie scho bim Artikel au bi däm Portal des z entzerre, d. h. des Portal uf dr mittelalterlig Stamm z begränze (wu au immer mer do d Gränze ziet) un au Artikel wie "Alemannischer Separatismus" do uusznee. --Holder 15:42, 13. Okt. 2010 (MESZ)

Wie wärs, wenn för Noizitt de Abschnitt Alemannetum iigfüert werd? Denn chunnt nume da drii, wo Noizittmentsche und Gruppierige sich as "(Neu)-Alemanne" definieret. --al-Qamar 12:14, 14. Okt. 2010 (MESZ)