Dr Chleibasler Bulverdurm

47.5577777777787.5958333333333

Linggs dr Bulverdurm, rächts s Wäisehuus in dr ehemoolige Kartause.

Dialäkt: Baseldütsch

Uschnitt us dr Stadtaasicht vom Matthäus Meriaa im 17. Joorhundert
Uf dere Aasicht vo 1642 isch dr Bulverdurm zwüschen em Eggedurm (linggs) bi dr Kartause (Nummere 2) und em Oobere Rhiidoor am Ändi vo dr Riechestrooss (rächts oobe).

Dr Bulverdurm isch Däil vo dr Chläibasler Stadtmuure gsi und existiert immer no.

Dr Bulverdurm, mä het em au dr Middleri Durm gsait, stoht e chli meh as fufzig Meter stromabwärts vom Kartüser Eggedurm in dr Nöchi vo dr hütige Wettstäibrugg. Er isch fast achzää Meter hoch und het e rächteggige Grundriss mit ere Sitelengi vo öbbe zwölf Meter. Sini Umfassigsmuure näme in de obere Stöck stark ab. Er het Fänster und Schiessscharte in verschiidnige Grösse und Forme und isch mit eme Pultdach überdacht, wo gege s Stadtinnere abfallt.

D Kartüüser hai dr Eggedurm und dr Bulverdurm as Chlostergfängnis brucht, hai aber dr Zuegang zun ene nid döfe versperre.