Dialäkt: Züridütsch

Radio SRF 3 isch es Programm vom Schwiizer Radio. Es hät bis em 15. Dezember 2012 DRS 3 ghaisse.

S Logo sit 2020
S Logo vom 16. Dezämber 2012 bis 2020
S Logo vo DRS 3 bis Endi 2012
S Logo vo DRS 3 vor 2007

Gschicht ändere

DRS 3 gits sit 1983, nöd zletscht als Reaktion, dass es jetz au i de Schwiiz privati Lokalradio git und dass es en Radiosänder bruucht, wo Musig schpilt, wo eme junge Publikum gfallt. DRS 3 isch em Publikum als «erschte amtlich bewilligte Schtörsender» vorgschtellt worde.

Bedütig und Inhält ändere

Hüt isch Radio SRF 3 s bedüütendschti Pop-Radio vo dr düütschschpraachige Schwiiz. De Tag über häts de Charakter vomene Begleitprogramm mit Nachrichte, Wetter, Verchehr, Presseschaue und Veraaschtaltigstipps. Am Aabig ab 20 Uhr laufed schpezielli Sendige, wie d Music-Specials (Blues Special, Country Special, Rock Special, Worldmusic Special, Blackmusic Special oder Swiss Music Special), d Musigsendig Sounds! oder d Interviewsendig Focus und d Hindergrundsendig Input. Zuedem isch Radio SRF 3 dr wichtigschti Live-Sender vo dr Schwiiz, wo zahlriichi Live-Konzert uufzeichnet und sendet (z. B. i dr Sendig Uf de Gass). Radio SRF 3 isch denäbed eine vo de wichtigschte Förderer vo (junger) Schwiizer Musig, z. B. mit dr Verleihig vo dr monatliche Kür vomene unbekannte Musigacts zum Swiss Top-Kandidat im Rahme vo dr Sendung Swiss Music Special, wodruus Endi vom Jahr dr Swiss Top-Sieger erkoore wird, dem winkt e bsunderi Förderig.

Uusrichtig ändere

Dr Sender richtet sich a es Zielpublikum vo 25 bis 45 Jahre. Täglich schalted über 1 Mio. Lüüt Radio SRF 3 ii. Z empfange isch das Programm europawiit über Satellit und i dr gsamte Düütschschwiiz über UKW.

Im Programm vo Radio SRF 3 wird s Hochdüütschi immer meh in Hindergrund drängt, während dr Gebruuch vom Schwiizertüütsch zuenimmt. Nachrichte und Verchehrsmeldige werded als einzigs Programmelement no uf Hochdüütsch verlese. Aber sogar s 15 Minute-Informationsmagazin Info3, wo jede Werchtig am Mittag em 12 und em Nomittag em 5 uusgschtrahlt wird, wird inzwüsche konsequent im Dialäkt präsentiert. Das gilt au für journalistischi Inhalt, öppe Korreschpondentebiiträg - allerdings griift Radio SRF 3 ab und zue au uf Korreschpondente vo dr ARD zrugg, die reded dänn natürlich hochdüütsch.

E chliini täglichi Satire-Sendig und s sunntäglichi Hörschpiil Philip Maloney werded au uf hochdüütsch uusgschtrahlt.

Weblink ändere

  Dä Artikel basiert uff ere fräie Übersetzig vum Artikel „DRS_3“ vu de dütsche Wikipedia. E Liste vu de Autore un Versione isch do z finde.