Regionaalverband

en Verband, wo verschidnigi Bedütige hät

S Wort Regionaalverband het verschidnigi Bedütige.

Dütschland ändere

In alle dütsche Bundesländer wird dr Begriff Regionaalverband brucht für regionaali Blaanigs- oder Zwäckverbänd, wo meereri Stedt und Gmäinde freiwillig zämmeschaffe, zum bestimmti Ufgoobe z erleedige. Hüfig häi die mit dr Regionaalblaanig z due. Bi Zwäckverbänd isch d Zämmenaarbet mäistens brojektbezooge und uf bestimmti Ufgoobe beschränkt, öbbe die gmäinsaami Abfallentsorgig; Blanigsverbänd koordiniere s Regionaalmanidschmänt vo de entsprächende Regioone und die kommunaali Bauläitblaanig.

In Baade-Württebärg si d Regionaalverbänd noch em Landesblaanigsgsetz öffentlig-rächtligi Drääger vo dr Regionaalblaanig, wo zwüsche de landesblaanerische Vorgoobe und dr kommunaalen Bauläitblaanig vermiddle. Regionaalverbänd fasse verschiideni Kräis und Stedt zun ere Regioon zämme. Si si en Usdruck vom gsetzlig festgläite Geegestroombrinzip.

Regionaalverbänd ändere

  • Regionaalverband Groossruum Braunschweig
  • Regionaalverband FrankfurtRheinMain
  • Regionaalverband Ruhr
  • Regionaalverband Saarbrücke
  • Dr Evangelisch Regionaalverband Frankfurt verwaltet die evangelische Gmäinde und Dekanaat vo dr Stadt Frankfurt am Main.
  • Im Schutte bilde fümf Regionaalverbänd und 21 Landesverbänd dr Dütsch Fuessball-Bund.

Ööstriich ändere

Im ööstriichische Land Salzburg isch Regionaalverband d Bezäichnig für Gmäindiverbänd, wo noch em Salzburger Ruumornigsgsetz bildet wärde.[1][2] Iiri Ufgoob bestoot isch s e Regionaalbrogramm ufzstelle. D Gmäinde, wo zum Verband ghööre, chönne em Regionaalverband Ufgoobe us em Beriich vo dr örtlige Ruumornig überloo.[3]

Im Burgeland chönne sich meereri örtligi Turismusverbänd zum ene Regionaalverband zämmeschliesse.[4]

Israel ändere

Regionalverbänd (plural: מוֹעָצוֹת אֵזוֹרִיּוֹת , Mo'azot Esoriot – dütsch Regionaalrööt[5] bzw. singular: מוֹעָצָה אֵזוֹרִית, Mo'aza Esorit – dütsch Regionaalroot)[5] si, näben de Stadtverwaltige und Gmäindiverwaltige, äini vo de drei Arte vo dr Kommunalverwaltig. Z Israel git s 54 Regionaalverbänd (2018).

 
S Bürogeböid vom Regionaalverband Menasche im Bezirk Haifa

D Ufgoob vom ene israelische Regionaalverband isch d Verwaltig vo Ortschafte in ländlige Gegende.[6][7]
E Regionaalverband verdrättet zwüsche 3 und 54 Ortschafte, wo mäistens über e relatiiv groossi Flech verdäilt si, aber geografisch nooch si zuenander.[6]

Mäistens het so en Ort nit mee as 2000 Iiwooner und wird vom ene lokaale Usschuss verwaltet. Dä Usschuss schiggt Abgordneti zum Regionaalverband im Verheltnis zur Iiwoonerzaal vom Ort und noch eme Index, wo vor jeedere Waal festgläit wird.[6] Ortschafte ooni Verwaltigsusschuss schigge käini Abgordnete, sondern dräffe Abkomme diräkt mit em Regionaalverband.[6] Abgordneti vo de Siidlige wärde äntwääder diräkt berüefen oder dur e Waal bestimmt.[6] E Hufe Ortschafte in de Regionaalverbänd si Kibbuzim und Moschawim.[8]

Fuessnoote ändere

  1. § 11 Abs. (1) Salzburger Raumordnungsgesetz 2009
  2. Regionalverbands-Verordnung
  3. § 11 Abs. (7) Salzburger Raumordnungsgesetz 2009
  4. § 9 Burgenländisches Tourismusgesetz 1992
  5. 5,0 5,1 milog.co.il
  6. 6,0 6,1 6,2 6,3 6,4 Hanna Herzog: Gendering Politics: Women in Israel. University of Michigan Press, ISBN 0-472-10945-6, S. 22.
  7. Gregory S. Mahler: Politics and Government in Israel: The Maturation of a Modern State. Rowman & Littlefield, ISBN 0-7425-1611-3, S. 229.
  8. Selwyn Ilan Troen, Noah Lucas: Israel: The First Decade of Independence. SUNY Press, ISBN 978-0-7914-2259-5, S. 496.