René Zeller
Dr René Zeller (* 26. Juli 1962 z Brüssel[1]; † 17. Mai 2018)[2] isch e Schwyzer Schurnalischt un Hischtoriker gsii.
Lääbe un Karriere
ändereDr Zeller het an dr Universitet Züri Gschicht, Staatsräächt un Publizischtikwisseschaft studiert un isch dert 1989 bim Walter Schaufelberger mit dr Dissertation Ruhe und Ordnung in der Schweiz. Die Organisation des militärischen Ordnungsdienstes von 1848 bis 1939 zum Dr. phil. promoviert wore.[3]
Anne 1988 isch er in d Redaktion vu dr Züri-Zytig (NZZ) yydrätte. Är het fir s Ressort Züri gschafft, ab 1994 fir s Ressort Inland un isch 1999 Laiter vu dr Bundeshuusredaktion wore. Wu d NZZ am Sonntag lanciert wore isch, isch dr Zeller as Inlandschef zue dr neie Redaktion gwächslet. Derno het er as Laiter vu dr Bundeshuusredaktion fir d Schwyzer Färnsee gschafft. Noch ere Zwischenetappe in Public Relations bi dr Farner Consulting AG het er si wider em Schurnalismus zuegwändet. 2008 isch er Nochriichteschef vu dr NZZ wore, 2009 Laiter vum Inlandressort un anfangs 2010 derzue stellverdrättende Schefredaktor vu dr NZZ. Vu Jänner bis zum Aadritt vum Eric Gujer as Schefredaktor im Merz 2015 het er noch em Ruggdritt vum Schefredaktor Markus Spillmann interimistisch mit em Luzi Bernet un dr Colette Gradwohl zäme d Schefredaktion vu dr NZZ glaitet.[4][5] Ab Oktober 2016 isch er Laiter Bundesbolitik un Mitgliid vu dr Schefredaktion bim Wuchemagazin Weltwoche wore.[6]
Dr Zeller isch Autor vu dr eerschte Biografy iber dr Schwyzer Militeer, Oberscht un Frontischt Emil Sonderegger gsii.[7]
Är isch im Mai 2018 im Alter vu 55 Johr an dr Folge vun ere Chräbschranket gstoorbe. Är isch ghyrote gsii, het drei Chinder ghaa un het z Hedige gläbt.[6]
Weblink
ändere- René Zeller uf dr Websyte vu dr NZZ (Archiv 2016).
- Markus Häfliger: Dorthin gehen, wo es wehtut. Nochruef in: Tages-Anzeiger vum 23. Mai 2018.
Fueßnote
ändere- ↑ Luzi Bernet: Ein Charakterkopf. Nooruef in: NZZ vum 23. Mai 2018.
- ↑ Todesanzeige der Familie.
- ↑ Ruhe und Ordnung in der Schweiz. Diss. phil. hist., Zürich 1990.
- ↑ NZZ-Chefredaktor Markus Spillmann tritt zurück. NZZ Mediengruppe, 9. Dezämber 2014.
- ↑ Neue NZZ-Leitung: Eric Gujer wird Chefredaktor. In: Neue Zürcher Zeitung. 11. März 2015, abgruefen am 11. März 2015.
- ↑ 6,0 6,1 Roger Köppel: Intern: Zum Tod von Dr. René Zeller (1962–2018) (Memento vom 23. Mai 2018 im Internet Archive). In: Weltwoche 21/2018, S. 3. (PDF).
- ↑ René Zeller: Emil Sonderegger. Vom Generalstabschef zum Frontenführer. NZZ-Verlag, Zürich 1999.
|
Dä Artikel basiert uff ere fräie Übersetzig vu dere Version vum Artikel „René_Zeller“ vu de dütsche Wikipedia. E Liste vu de Autore un Versione isch do z finde. |