Mit Retrospektive (lat. retrospectare „zruggluege“) bezäichnet mä im Allgemäine e Rückblick.

In dr bildende Kunst isch d Retrospektive e Kunstusstellig, wo im Noochiine s Lääbenswärk vom ene Künstler belüüchdet. Im Beriich vom Film verstoot mä drunder e Filmräije, wo mögligst alli wichdige Wärk vom ene Filmreschissöör, vom ene Filmschauspiiler, vo andere Filmschaffende, vo dr Filmkunst von ere bestimmte Epoche oder vom ene bestimmte Schaner umfasst. Retrospektive si vilmol Däil vom ene Filmfestival (so git s uf dr Berlinale jedes Joor e Retrospektive). Au in vile Kommunale Kino si Retrospektive Bestanddäil vom Brogramm.

D Catherine David, die künstlerischi Läitere vo dr documenta X (1997) het dr Begriff vo dr Retroperspektive as Beschriibig drvo brucht, wie si d Sach aagoot. Im Zämmehang mit em Läitmotiv „Blick zrugg noch vorne“ isch drmit gmäint gsi, ass mä d Usstellig in Bezuug zu de vergangene documenta-Usstellige setzt und sä gliichzitig in deeren iiri „Dradizioon vo dr Innovazioon“ stellt.[1]

Fuessnoote ändere

  1. documenta und Museum Fridericianum Veranstaltungs-GmbH: dX 1997, o.D. online unter http://www.documenta12.de/d100.html?&L=0 (Site cha nüme abgrüeft wärde; Suche im Webarchiv)[1] [2] Vorlage:Toter Link/www.documenta12.de
  Dä Artikel basiert uff ere fräie Übersetzig vum Artikel „Retrospektive“ vu de dütsche Wikipedia. E Liste vu de Autore un Versione isch do z finde.