Roland Burtsche

Dr Roland Burtsche (* 1939 z Ihringe) isch e dytschi Hotelier un Gaschtronom.

Dr Roland Burtsche mit dr TV-Korreschpondenti Gabriele Krone-Schmalz

Lääbe

Dr Roland Burtsche het mit 13 Johr z Sulzburg e Lehr zum Metzger aagfange, wel s dr Vater het welle, är sälber het s nit gärn gmacht. Mit 17 isch er uf Hamburg gange go uf eme Schiff schaffe. Ab 1956 het er anderthalb Johr lang as Chochsmaat un Metzger uf em Bananefrachter MS Quadriga gschafft, wu iber d Wältmeer gfahren isch. Derno het er im „Gustav Adolf“ z Hamburg Choch glehrt. Mit syre Freindin Waltraud Zähringer, wu z Oberbärge am Chaiserstuel ufgwachsen isch, isch er 1960 uf Nordamerika uusgwanderet, dr Burtsche aafangs uf Kanada, d Zähringer in d USA uf New York, wu Unkel vun ere gläbt hän. Dr Burtsche het z Kanada z Nova Scotia un z New Brunswick gschafft. Mitti 1961 isch er in d USA gange, wel er in dr Nechi vu syre Freindin het welle syy, wu an dr Wall Street un speter an dr 5th Avenue z New York bi re Bank gschafft het. In dr USA het dr Burtsche z Fort Lauderdale un derno as Saucier im „Pine Hollow Country Club“ z Long Island/New York gschafft. Speter isch er an d Weschtkischte vu dr USA gange, isch z Santa Rosa/Kalifornie uf d Hotelfachschuel gange un het z San Francisco zytwys zwoo Stelle glychzytig ghaa: Im Hotel „Jack Tar“ het er demorge gschafft, im noble „Sir Francis“ zoobe. Aafangs 1960er het er zum amerikanische Militeer fir dr Yysatz im Vietnamchrieg solle yyzoge wäre. Um dr Dienscht in dr Armee isch mer aber umechuu, wämer uf eme Schiff gschafft un dodermit zue dr Handelsmarine ghert het. Wäge däm het er 1963 uf em Ozeandampfer "President Roosevelt" vu dr American-President-Lines, wu in Orient gfahren isch, as Choch aagfange. No aim Johr het er wider welle ufhere. Wun er retuur z San Francisco gsii isch, het mer em aaglitte, ass dr Sous-Chef, dr zweet Chuchichef, chrank sei. Wäge däm hän s e mit em Fluugzyyg uf Hawaii brocht, wu s Schiff glägen isch, un är het uf em Luxusdampfer as Sous-Chef aagfange un isch mit em rund um di ganz Wält gfahre.

D Waltraud Zähringer isch scho 1960 wider retuur uf Dytschland gange, anne 1964 isch au dr Burtsche uf Dytschland retuur chuu un het as Chuchischef im „Hotel am Notschrei“ aagfange.

Im Johr 1967 hän är un d Waltraud Zähringer ghyrote. Us dr Eh sin drei Dechtere firigange, Kirsten, Heidi un Birgit.

Si hän zäme s „Hotel zum Markgrofe“ z Betzige gfiert, ab 1970 dr „Glai Meyerhof“ in dr Rothuusgass z Fryburg, s „Café Herzog“ un dr „Rotskäller“ im Kornhuus am Minschterblatz. Anne 1979 hän si Colombi-Hotel z Fryburg gchauft un umböue. Vu 1975 bis 2000 hän si derzue au no s Café „Schwarzes Kloschter“ un d Restaurant „Wolfshehli“ un d „Tessiner Stube“ gfiert. Dr Burtsche isch au Gsellschafter bim „Gryffeneggschlessli“ gsii un het an Mässe d Stadthalle gwirtschaftet.

Anne 2004 het dr Roland Burtsche s ehmolig Boardinghuus an dr Brysacher Stroß gchauft, wu dertemol e Ruine gsii isch. Är het drus s „Hotel Stadt Fryburg“ gmacht, e Vier-Stärn-Huus mit Privatklinike un Praxisryym. Zum Familienunternäme vu s Burtsches ghere au no d „Chloschtermihli“ z Offnadinge, s „Colombi-Chalet“ un e Catering-Service. Anne 2014 hän si s Unteräme an ihri Dechtere ibergee.

Im Johr 2014 hän si insgsamt 270 Mitarbaiterne un Mitarbaiter ghaa, im Lauf vu dr Johr hän s Burtsches rund 790 Lehrling uusbildet. S „Colombi-Hotel“ drait s Gietezaiche „Leading Hotels of the World“, s Reschtaurant “Zirbelstube” im Colombi het syt 1982 e Stärn im Guide Michelin.

Anne 1980 isch dr Burtsche mit dr Brillant-Savarin-Plakette uuszaichnet wore un 2008 as „Hotelier des Jahres“ (Gault-Millau). S Colombi isch im Johr 2000 as „Hotel des Jahres“ (Schlummeratlas) uuszaichnet wore.

Dr Wolfram Siebeck het iber dr Roland Burtsche mol in ere Laudatio gsait, är sei e Mänsch, wu mit sym „Drang zur Perfektion einen gastronomischen Traum gestaltet“.

Weblink

• Joachim Röderer: Stabwechsel im "Colombi" – Burtsche-Töchter übernehmen Hotelunternehmen, Badische Zeitung, 30. Oktober 2014
• Joachim Röderer: Hintergrund: Ein Leben als Gastgeber, Badische Zeitung, 27. Dezämber 2014
• Joachim Röderer: Rückkehr trotz Green Card. Die Auswanderungs-Geschichte der Colombi-Hoteliers, Badische Zeitung, 27. Dezämber 2014