Rolf Asal

en dütsche, katholische Theoloog

Dr Rolf Asal-Steger (* 1953 as Rolf Asal) isch e dytsche, kadoolische Theolog.

dr Rolf Asal, 1998

LääbeBearbeite

Dr Asal isch z Dodtnau as jingscht Chind in ere Handwäärcherfamilie mit vier Gschwischter ufgwagse. Wel s im Wiisedaal doodmool no kai Gimnaasium gee het, isch er uf s Erzbischefli Stuudiehaim z Semmerenga gange un het deert Abituur gmacht. An dr Universiteet Fryburg het er kadoolischi Theology studiert. Fir ai Joor het er au am Institut Catholique z Paris studiert un derno zwai Joor lang an dr Dytsche Schuel z Paris un am Lycée Hoche z Versailles Religioon unterriichtet. Är isch derno wider retuur uf Fryburg zooge un het vu 1989 bis 1999 as Religionsleerer am Humanistische Gimnasium z Baasel un as paschtorale Mitarbaiter bi dr Kadoolische Universiteetsgmai z Baasel gschafft. Anne 1999 isch er Laiter vu dr Kadoolische Universiteetsgmai woore un 2000 isch er zum Ständige Diakoon vum Bischtum Baasel gweit woore. Im Septämber 2004 isch er Chuurslaiter im Noodiploomstuudium Beruefsyyfierig (NDS BE) woore un im Meerz 2005 Diakoon in dr Bfarrei St. Michael, Lozärn. Im Septämber 2006 isch dr Asal-Steger neie Uusbildigslaiter im Seminar St. Beat, Lozärn woore, as Noofolger vum Felix Gmür, wu zum neie Generaalsekreteer vu dr Schwyzer Bischofskumferönz gweelt wooren isch. Uf Ändi Juuli 2015 isch er us däm Amt uusgschiide un schafft syterhär as Diakon in dr Bfarrei z Adlige.

Vu 1989 bis 1999 isch dr Rolf Asal fir d ÖDP im Gmairoot vu dr Stadt Fryburg ghockt.

Är isch ghyroote mit dr Schwyzer Hailpedagoogi un Räächtsaawälti Renata Asal-Steger (* 1960) vu Ettiswil. Si hän zäme zwee Siin, Samuel (* 1997) un Simeon (* 2000). Vu 1997 bis 2005 het d Familie z Fryburg gläbt, syterhär läbe si z Lozärn im Obergütsch.

Anne 1985 het dr Rolf Asal bim Wettbewärb Jungi Mundart 84 vu dr Muettersproch-Gsellschaft dr 3. Bryys fir Prosa gwunne. Gediicht vun em uf Alemannisch sin in dr Anthology D Hailiecher uusechuu, vu iim isch au s Gediicht, wu dr Anthology dr Name gee het. Syterhär isch dr Asal aber nimi as Dialäktautor in Erschyynig drätte.

WäärchBearbeite

LiteraturBearbeite

  • Katholischer Pastoralraum meggerwald pfarreien, Pfarreiblatt, 14/2015, S. 4-5 (Online)

WeblinkBearbeite