Rudolf Scheurer

Dr Rudolf Scheurer (* 18. Juli 1931 z Hauge; † 4. Juni 2020) isch e dytsche Bildhauer gsii.

Lääbe

Sonnengesichter (2003)

Dr Scheurer het z Fryburg Staibildhauer gleert. Z Basel un z Linz het er Chunscht studiert. Studienufenthalt hän en uf London un uf Paris gfiert. Dr Rudolf Scheurer isch au in vyl Länder z Iibersee graist. Syter anne 1960 het er z Broomech gwoont un gschafft. Em Scheurer sy Skulpture sin as zaichehaft, organisch-gschwunge mit vegetative Forme bschribe wore, wu dur syni mänke Uuslandsraise inschpiriert gsii sin. Dr Scheurer het syni Wärch wältwyt in verschidene Galerie un Museum uusgstellt. Dodrunter anne 1972 im Museum z Toulon un meefach an dr Chunschtmäss Art Basel un uf Chunschtmässe z Paris, z Düsseldorf, z London, z Berlin un z Brüssel. Insgsamt het dr Rudolf Scheurer in dr Zyt vu 1960 bis 2012 iber 300 Uusstellige ghaa.

Anne 1998 het dr Chinschtler mit syre Frau d Bildhauer Rudolf Scheurer Stiftung grindet, wu 90 Chunschtwärch vu sym Schaffe in dr Joor 1958 bis 2013 uusstellt. D Großskulpture sin unter freiem Himmel am e Skulpturewääg lang un im Gaarte „Oben auf dem Berg“ uusgstellt, chlaineri Wärch het s in eme vu dr Stiftig boute zwelf Meter hoche Skulpturedurm mit drei Uusstelligsryym. Z Löörech un in Geegnig het s e Hufe Plaschtike vun Chinschtler in Chilche un im effetlige Ruum.

E Dail vu sym Nooloss isch im Dreiländermuseum z Löörech.

Weblink

• Websyte vum Rudolf Scheurer
• Landkreis Lörrach: Buchvorstellung „Rudolf Scheurer auf Schloss Bürgeln“ – mehr Kulturförderung im Landkreis Lörrach dank neuem Fonds, 26. Juni 2010

Fußenote

Dä Artikel basiert uff ere fräie Übersetzig vu dere Version vum Artikel „Rudolf_Scheurer“ vu de dütsche Wikipedia. E Liste vu de Autore un Versione isch do z finde.