Ruine Diersburg

Ruine Dierschburg
Alternativnäme:	Tiersperg
Entstehigsziit:	1100 bis 1200
Burgetyp:	Hecheburg
Erhaltigszuestand:	Räscht vum Palas un vu dr Ringmuure
Ständischi Stellig:	Adligi, Grofe
Bauwiis:	Buckelquader
Ort:	Hohberg-Dierschburg
Geografischi Lag:	48° 23′ 1,7″ N, 7° 56′ 57,5″ OKoordinate: 48° 23′ 1,7″ N, 7° 56′ 57,5″ O
Höchi:	280 m ü. NN
	Ruine Diersburg (Baden-Württemberg) Ruine Diersburg
	Ruine Diersburg (Baden-Württemberg) Ruine Diersburg

D Ruine Dierschburg, au Tiersperg gnännt, isch e Burgruine uf eme felsige Higel eppe 1900 Meter sidestlig vum Ortsdeil Dierschburg vu dr Gmei Hohberg im Ortenaukreis z Bade-Wirttebärg.

Gschicht

Die Hecheburg isch vu dr Herre vu Diersburg am Änd vum 12. Johrhundert böue loo wore. S erscht Mol gnännt isch si anne „Stein zu Tiersperc“ vum Walter von Tiersperc un anne 1259 as "Diersberg". Im 13. Johrhundert isch d Burg erwyteret wore un isch im 14. Johrhundert e Ganerbe-Burg gsi, bis si im Dryssgjehrige Chrieg un 1668 vu dr Franzose gschlisse woren isch. 1763 isch d Burg fir d Steigwinnig abbroche wore. In dr Johr 1980 bis 1983 isch d Ruine reschtauriert wore.

D Burg isch speter im Bsitz vu dr Markgrofe vu Bade gsi un ab 1455 im Bsitz vu dr Freiherre vu Roedern.

Aalag

Di ehmolig Burgaalag isch e chleini stark bfeschtigti Aalag gsi mit ere bsudnere Chärnburg, wu zwei Palasgebäude gha het, derfir aber kei Bärgfrid. D Böusubschtanz zeigt deilwyys Buckelquader. D Schildmuur het e Sterki gha vu 3 Meter un d Ringmuure vu 2 Meter. D Aalag isch hite in Privatbsitz.

Literatur

Kurt Klein: Burgen, Schlösser und Ruinen. Zeugen der Vergangenheit im Ortenaukreis. Reiff Schwarzwaldverlag. Offenburg 1997. ISBN 3-922663-47-8

Weblink

Dä Artikel basiert uff ere fräie Übersetzig vu dere Version vum Artikel „Ruine_Diersburg“ vu de dütsche Wikipedia. E Liste vu de Autore un Versione isch do z finde.