D Ruth Humbel Näf (* 23. Juli 1957 z Baade) isch e Schwiizer Lehrerin, Politikerin und Sportlerin.

d Ruth Humbel Näf

s LääbeBearbeite

D Humbel woont z Biirmeschtoorff. Si isch Lehrerin und schaffet als Jurischtin. Vo 2001 bis 2008 isch si d Läiterin vo dr Region Middi vom Vrband vo de Chrankekasse gsi. Si isch ghürootet und het zwöi Chind. Si isch e gueti Orientierigslöiferin; 2010 isch si OL-Wältmäischterin bi de Senioore woorde.

1981 het se s Volch vom Kanton Aargau in Groossroot gwählt, wo si bis 2003 gsi isch. 2003 isch si Nationalröötin woorde.

D Ruth Humnbel isch i de Stiftigsrööt vo dr Stiftig Vita Parcous z Zürich, vo dr Schwiizerische Stiftig für Klinischi Chräbsforschig, vo dr Stiftig für die Schwiizerischi Akademy für Chiropraktik, vo dr Stiftig Alterszäntrum Lindehoof z Oftrige, vo dr Stiftig Theraplus und vo dr Stiftig Pro Senectute Aargau.

WeblinkBearbeite

  Commons: Ruth Humbel Näf – Sammlig vo Multimediadateie