Salemaa Tobler

Dr Salemaa Tobler (* 10. Dezämber 1794 z Züri; † 19. Novämber 1878 au döört) isch e Schwiizer Pfarrer und Dichter gsi.

s Läbe

Dr Salemaa isch dr Soon vom Johann Chaschper Tobler und däm sinere Frau Ursula Hirzel gsi. Er het Theology studiert und ane 1816 s Exaame gmacht.

1816 isch er Pfarrvikar z Mönchaltorf worde, und drno het er z Wülflingen und z Wädischwyl gschaffet. 1819 isch er Pfarrer vo Stärnebärg worde, und 1826 vo Hirzel. 1839 het er die Pfarrstell müessen ufggää, wil er us liberaler Sicht die aktuelli Politik kritisiert het. Er isch denn Pfarrer z Ämbri gsi. 1864 isch er zrugg uf Züri, won er Musigstuck komponiert het.

1836 isch sys Buech Die Enkel Winkelried’s usecho, 1846 das übere Christoph Kolumbus.

Em Salemaa Tobler sini Söön sind bekanti Wüsseschaftler woorde: Dr Ludwig Tobler Germanischt, dr Adolf Tobler Romanischt und dr Wilhelm Tobler Historiker.

Syn Nachlass isch i dr Zäntralbiblioteek Züri.

Wäärch

Die Enkel Winkelried's. Epische Dichtung, 1836
Columbus. Epische Dichtung, 1846
Gedichte aus dem Nachlass, 1878

Literatur

Ingrid Bigler-Marschall: Salomon Tobler. In: Historisches Lexikon vo dr Schwiiz.
Ludwig Tobler: Salomon Tobler von Zürich. Sein Leben und Wirken nebst einigen Mittheilungen aus seinem Nachlaß. In: Zürcher Taschenbuch, 1, 1878, S. 87–107.
Jakob Baechtold: Tobler, Salomon. In: Allgemeine Deutsche Biographie (ADB). Band 38, Duncker & Humblot, Leipzig 1894, S. 394 f.
Werner Ganz: Die Familie Tobler von Zürich / 1626 - 1926. Eine historische Studie. Zürich 1926.