Sarah Spale

D Sarah Spale-Bühlmann (* 7. Dezämber 1980 z Baasel) isch e Schwyzer Schauspiileri.

Lääbe

D Sarah Spale isch anne 1980 z Baasel uf d Wält chuu. Si isch doo ufgwagse un het d Schuel mit dr Matuura abgschlosse. An dr Universitet Hildesheim het si Kulturwisseschafte un esthetischi Praxis studiert. Derno het si z Baade-Wiirttebäärg e Schauspiiluusbildig gmacht.

Ire Debüt vor dr Kamera het d Sarah Spale im Fäärnseefilm Dilemma gee. Fir die Roll isch si 2003 fir dr Schwyzer Filmbryys nominiert woore. Anne 2008 het si d Sophie Preisig in dr Schwyzer Fäärnseeserine Tag und Nacht gspiilt. Internazionaal het mer uf si gluegt fir iri Daarstellig vu dr Catarina Mendez näbe dr Hauptdaarsteller Jeremy Irons, Bruno Ganz un Martina Gedeck in dr Literatuurverfilmig Nachtzug nach Lissabon, wu dr Reschiseer Bille August inszeniert het. As Theaterschauspiileri het mer si unter anderem am junge theater basel un em Stadttheater Hildesheim chenne sääne.

Si isch syter anne 2010 mit em Uni-Spoortleerer Philip Spale ghyroote. S Baar het zwee Siin, wu 2010 un 2014 uf d Wält chuu sin.

Filmografy

• 2002: Dilemma (Fäärnseefilm)
• 2005: Die Burg (Chuurzfilm)
• 2008: Jimmie (Fäärnseefilm)
• 2008: Winterstille
• 2008: Tag und Nacht (Fäärnseeserine)
• 2009: Das Brautkleid (Chuurzfilm)
• 2009: Giulias Verschwinden
• 2010: Hugo Koblet – Pédaleur de charme (Filmbiografy)
• 2010: Charlys Comeback (Fäärnseefilm)
• 2013: Nachtzug nach Lissabon
• 2013: Tatort: Geburtstagskind
• 2017–2020: Wilder (Fäärnseeserine)
• 2019: Fensterlos (Chuurzfilm)
• 2020: Platzspitzbaby

Weblink

• Sarah Spale in dr Internet Movie Database
• Sarah Spale-Bühlmann Agäntuurprofiil uf schauspieler.ch
• «Die innere Verlorenheit macht mir Angst» Bricht im Blick vum 6. Jänner 2020 mit Bilder vu dr Sarah Spale

Fueßnote

Dä Artikel basiert uff ere fräie Übersetzig vu dere Version vum Artikel „Sarah_Spal“ vu de dütsche Wikipedia. E Liste vu de Autore un Versione isch do z finde.