Schabziger

De Schabziger isch e Schwizer Milchprodukt und e kulinarischi Spezialitet, wo us em Glarnerland chunnt. De Schabziger wird nid wie dr Ziger us Schotte, sondern us Magermilch gmacht und mit em Ziigerchruut, eme speziellen orientalische Klee (Trigonella caerulea), gwürzt. Wies de Name sait, wird de Schabziger nöd am Stugg gässe, sondern fiin gschabet, grafflet oder verribe und zum Byschpil öber Teigware gschtreut. Grafflete Schabziger mit Angge vermischt git en feine Brotuufstrych, de Anggezigger.

Zigerbrüt mit Zigerstöckli und Zigermühli

Herstellig

Mä nimmt Magermilch, duet e Milchsüürikultur dri, erwellt sä, bis si siedt, und loot dr früsch Chees in Bütte mit Löcher oder in Seck, wo mä Stäi druf duet zum d Flüssikäit uusebrässe, vier bis zwölf Wuche lang lo gääre. Wenn er rif isch, wird er verriibe, Salz dri doo, und denn laageret men en drei bis acht Möönet im ene Silo. Erst denn duet mä Schabzigerchleebulver drzue und brässt dr Schabziger in si tüpischi Form. Noch 6 bis 8 Dääg nimmt mä s «Zigerstöckli» uuse und loot s 2 bis 6 Möönet lang uf eme Grüst lo dröchne.

Weblink

 Commons: Schabziger – Sammlig vo Multimediadateie

• Schabziger i de Datebank vom Kulinarische Erb vo de Schwiz
• Schabziger Höhenweg Themewäg im Kanton Glarus mit Informazione über de Glarner Schabziger

Dä Artikel basiert uff ere fräie Übersetzig vu dere Version vum Artikel „Schabziger“ vu de dütsche Wikipedia. E Liste vu de Autore un Versione isch do z finde.