Früschi Sirte bim Mache vo Gäissechääs

D Schotte, au Sirte, Sirmende, Chääsmilch oder hoochdütsch Molke(n) gnännt, isch e wässrigi, grüenlig-gääli Flüssigkäit, wo bim Cheesmache entstoot.

Wie me si machtBearbeite

D Schotte wird abgsonderet, wenn d Milch zu Chääs oder Kwark grunne isch. Es git zwäi Sorte vo Molke: d Süessmolke (au Labmolke), wo entstoot, wemm mä Milch bim Cheesmache mit Lab dickmacht, und d Suurmolke, wo s git, wemm mä d Milch mit Milchsüüribakterie behandlet.

Für was mer si bruuchtBearbeite

In dr LandwirtschaftBearbeite

D Schotte wird hütte hauptsächlig an Söi verfüeteret, vor allem in dr Form vom ene Bulver. E Hufe Cheesereie schaffe dorum äng mit Söimäster zämme.

Zum CheesmacheBearbeite

Us Süessmolke macht mä dr Molkechääs, wo s fast kä Fett din isch. Noch em Häissmache bilde sich uf dr Oberflechi vo dr Sirte Flöckli und us dene macht mä dr Chääs. Vilmol wird d Süessmolke no aagsüürt. Guet bekannt si d Chäässorte Ricotta, Ziger, der korsisch Brocciu oder dr norwäägisch Bruunchääs.

GetränkBearbeite

Schotte duet mä in verschidnigi Erfrüschigsgetränk (z. B. Rivella) und au in Cola, Öpfelschorle und Orangschelimonade.

LitratuurBearbeite

  • H.G. Kessler: Lebensmittel- und Bioverfahrenstechnik, Molkereitechnologie. A. Kessler, München 1996, ISBN 3-9802378-4-2.
  • P. Walstra, J.T.M. Wouters, T.J. Geurts: Dairy Science and Technology. CRC Press, Boca Raton FL 2006, ISBN 0-8247-2763-0.
  • T. Sienkiewicz, C. Riedel: Whey and Whey Utilization. Th. Mann, Gelsenkirchen-Buer 1990, ISBN 3-7862-0086-6.
  • Schweizerisches Idiotikon, Band VII, Spalte 1327–1329, Artikel Sirmenden (Digitalisat) und Band VIII, Spalte 1531–1538, Artikel Schotten (Digitalisat)

WeblinggBearbeite

  Commons: Molke – Sammlig vo Multimediadateie

FuessnooteBearbeite


  Dä Artikel basiert uff ere fräie Übersetzig vu dere Version vum Artikel „Molke“ vu de dütsche Wikipedia. E Liste vu de Autore un Versione isch do z finde.