Ricotta

Ricotta isch dr italienisch Name für`en Frischkäs us Schoof- oder Chuemilch. Er entstoht, wenn mä früschi Milch oder Niidel in d Molke duet, das alles uf 90 °C ufwermt und Zitronesüüri drzue git, so dass es grinnt. Dr Chees wird vorsichdig ooben abgschöpft.

Ä Stickl Ricotta al forno

Für zum Ricotta mache brucht mä Süessmolke, won übrig blibt wemm mä anderi Chees härstellt. In dr Molke het s kei Casein meh, aber es git no anderi Protein, hauptsächlig Albumin.

Früsche Ricotta, wo nume us Süessmolke gmacht wird, isch mild, süesslig und es het fast kei Fett din.

Noch dr Häärstellig vom Ricotta blibt non e grüeni Flüssikäit übrig, d Suurmolke. Die cha as Dierfueter witerverwärtet oder furtgheit wärde. Die grüenligi Farb stammt hauptsächlig vom Riboflavin.

Dr Ziger, wo in de dütschsproochige Alpeländer broduziert wird, isch en äänligi Cheessorte.

Weblingg

 Commons: Ricotta – Sammlig vo Multimediadateie

• Bestanddäil und Fettghalt noch ere Undersuechig vo dr kanadische Milchkommission (änglisch) (Memento vom 16. Jänner 2009 im Internet Archive)
• Ricotta o mascarpa i de Datebank vom Kulinarische Erb vo de Schwiz (italienisch)