Seechrais (1832 bis 1864)

Dialäkt: Undermarkgreflerisch

Dr Seechrais (amtli Seekreis) isch e Mittelinschtanz vu dr Staatsverwaltig vum Grooßherzogtum Baade gsii, wu s vu 1832 bis 1864 gee het.

Gschiicht

Zum 1. Mai 1832 sin di bishärige segs Chrais ufgleest woore un us Cheschtespargrind dur vier nei grindeti Chrais ersetzt woore.^[1] D Beheerd het derzue au nimi Kreisdirektion ghaiße, sundern Kreisregierung. Us dr Ämter vum bishäärige Seechrais isch nei Chrais mit em Sitz z Konschtanz bildet woore.

E jeede vu dr Chrais het e Chraisregierig kriegt, wu ne Regierigs-Diräkter voorgstande isch. Zue dr Chraisregierig hän derzue au Regierigs-Reet un Regierigs-Assessoore gheert. D Chraisregierig vum Ooberrhyychrais isch 1834 z. B. mit insgsamt 21 Stellen uusgstattet gsii.^[2]

D Chraisregierige sin fir alli Sachbiet verantworli gsii, wu zue dr Staatsverwaltig gheert hän: Ufsiicht iber d Ämter (Bezirksämter), Ufsiicht iber dr greescht Dail vu dr Lokaal- un Beziirksstiftigfe, Indigenatserdailig (Haimeträächt), Gwäärbskunzessioone, Dienscht- un Stroofbolizei un anderi.

Mit em Gesetz, die Organisation der innern Verwaltung betreffend vum 5. Oktoober 1863,^[3] wiirksam zum 1. Oktoober 1864,^[4] sin di vier alte Chrais ufgleest un dodermit di mittler Verwaltigseebeni abgschafft woore. An d Stell vu dr Mittelinschtanze sin d Landeskommissärbezirk as raini Ufsiichtsorgaan drätte. S Biet vum eemoolige Seechrais isch em Landeskommissärbezirk Konschtanz zuegoornet woore.

Di baadische Chrais im Verglyych

Uuszuug us em Hof- und Staats-Handbuch des Großherzogthums Baden. 1834^[5] mit dr Eckdaate vu dr Chrais (Flechi in geograafische Quadraatmyyle; Aazaal vu dr Bezirksämter; Aazaal vu dr Gmaine; Yywooner (Seelezaal), dodervu evangeelisch, kadoolisch, mennonitisch, israelitisch); e geograafischi Quadraatmyyle het 55,06 Quadraatkilemeeter entsproche (7,420439 km × 7,420439 km).

Dr Seechrais isch vu dr Flechi (3028 km²) un dr Yywooner (173.469) häär dr chlaischt vu dr baadische Chrais gsii. Rund 96 % vu dr Yywooner sin Kadolike gsii.

Biet vum Seechrais

Zum Chrais hän 19 Bezirksämter mit 377 Gmaine gheert:^[6]

Landesheerligi Ämter

Amt Konschtanz
Amt Meerschburg (1857 ufgleest)
Amt Bluemefeld (1857 ufgleest)
Amt Bonndorf
Amt Briilinge (1840 ufgleest)
Amt Iberlinge
Amt Pfulledorf
Amt Radolfzell
Amt Stocke
Amt Villinge

Standesheerligi Ämter

Amt Eschinge (1844 erriichtet)
Amt Salem (1857 ufgleest)
Amt Stette (1849 ufgleest)
Amt Enge
Amt Holgeberg (1849 ufgleest)
Amt Hifinge (1849 ufgleest)
Amt Mehringe (1844 ufgleest)
Amt Meßkirch
Amt Neistadt
Amt Stüelinge (1857 ufgleest)

Regierigs-Diräkter

1834-1839: Friedrich Rettig
1839-1841: Josef von Sensburg
1841-1844: Josef Karl Kern
1844-1848: Georg von Vogel
1848: Joseph Ignatz Peter

Literatur

Adam Ignaz Valentin Heunisch: Geographisch-topographische Beschreibung des Großherzogthums Baden: nach den Bestimmungen der Organisation vom Jahre 1832 größtentheils nach officiellen Quellen : nebst einer ausführlichen Karte des Großherzogthums Baden, nach der neuen Kreis-Eintheilung, mit Zufügung der Nachbarstaaten und mit Angabe der Poststationen und Stundenentfernungen. Heidelberg 1833, II. Der Oberrheinkreis. S. 298–346 Digitalisat
Eintheilung des Großherzogthums in vier Kreise und Aufstellung von Regierungen betreffend. In: Großherzoglich Badisches Staats- und Regierungs-Blatt Nr. IX. vom 18. Februar 1832, S. 133

Fueßnote

[1] Großherzoglich Badisches Staats- und Regierungs-Blatt 1832, S. 133

[2] Hof- und Staats-Handbuch des Großherzogthums Baden. 1834, S. 158

[3] Großherzoglich Badisches Regierungs-Blatt 1863, S. 399

[4] Vollzuegsveroornit lueg Großherzoglich Badisches Regierungs-Blatt 1864, S. 333

[5] Uuszuug us em Hof- und Staats-Handbuch des Großherzogthums Baden. 1834; S. 417

[6] Hof- und Staats-Handbuch des Großherzogthums Baden. 1834, S. 158

[1]

[2]

[3]

[4]

[5]

[6]