Mittelrhyychrais

Dialäkt: Undermarkgreflerisch

Dr Mittelrhyychrais (amtli Mittel-Rheinkreis) isch e Mittelinschtanz vu dr Staatsverwaltig vum Grooßherzogtum Baade gsii, wu s vu 1832 bis 1864 gee het.

Gschiicht

Zum 1. Mai 1832 sin di bishärige segs Chrais ufgleest woore un us Cheschtespargrind dur vier nei grindeti Chrais ersetzt woore.^[1] D Beheerd het derzue au nimi Kreisdirektion ghaiße, sundern Kreisregierung. Us dr Ämter vum Murg- un Pfinzchrais un dr Ämter vum Kinzigchrais (ußer Ättene, Hornberg un Triberg) isch dr nei Chrais mit em Sitz z Raschti bildet woore, ab 1847 isch dr Sitz z Kallsruh gsii.

E jeede vu dr Chrais het e Chraisregierig kriegt, wu ne Regierigs-Diräkter voorgstande isch. Zue dr Chraisregierig hän derzue au Regierigs-Reet un Regierigs-Assessoore gheert.^[2]

D Chraisregierige sin fir alli Sachbiet verantworli gsii, wu zue dr Staatsverwaltig gheert hän: Ufsiicht iber d Ämter (Bezirksämter), Ufsiicht iber dr greescht Dail vu dr Lokaal- un Beziirksstiftigfe, Indigenatserdailig (Haimeträächt), Gwäärbskunzessioone, Dienscht- un Stroofbolizei un anderi.

Mit em Gesetz, die Organisation der innern Verwaltung betreffend vum 5. Oktoober 1863,^[3] wiirksam zum 1. Oktoober 1864,^[4] sin di vier alte Chrais ufgleest un dodermit di mittler Verwaltigseebeni abgschafft woore. An d Stell vu dr Mittelinschtanze sin d Landeskommissärbezirk as raini Ufsiichtsorgaan drätte. S Biet vum eemoolige Mittelrhyychrais isch em Landeskommissärbezirk Kallsruh zuegoornet woore.

Di baadische Chrais im Verglyych

Uuszuug us em Hof- und Staats-Handbuch des Großherzogthums Baden. 1834^[5] mit dr Eckdaate vu dr Chrais (Flechi in geograafische Quadraatmyyle; Aazaal vu dr Bezirksämter; Aazaal vu dr Gmaine; Yywooner (Seelezaal), dodervu evangeelisch, kadoolisch, mennonitisch, israelitisch); e geograafischi Quadraatmyyle het 55,06 Quadraatkilemeeter entsproche (7,420439 km × 7,420439 km).

Dr Mittelrhyychrais isch vu dr Flechi här dr zweetgreescht vu dr vier Chrais gsii un vu dr Yywohnerzahl greescht.

Biet vum Mittelrhyychrais

Landesherrligi Ämter

Amt Raschti
Amt Achere
Amt Bade
Amt Bische (1857 ufgleest)
Amt Kork
Amt Brette
Amt Bihl
Amt Eppinge
Amt Ettlinge
Amt Gengebach
Amt Gernschbach
Amt Lohr
Amt Owerkirch
Stadtamt Kallsruh (1864 mit em Landamt zum Bezirksamt Kallsruh verainigt)
Landamt Kallsruh (1864 mit em Stadtamt zum Bezirksamt Kallsruh verainigt)
Oberamt Durlach
Oberamt Pforze
Oberamt Brusel
Oberamt Offeburg

Standesherrligi Ämter

Amt Hasle (1857 ufgleest)
Amt Wolfe

Literatur

Adam Ignaz Valentin Heunisch: Geographisch-topographische Beschreibung des Großherzogthums Baden: nach den Bestimmungen der Organisation vom Jahre 1832 größtentheils nach officiellen Quellen : nebst einer ausführlichen Karte des Großherzogthums Baden, nach der neuen Kreis-Eintheilung, mit Zufügung der Nachbarstaaten und mit Angabe der Poststationen und Stundenentfernungen. Heidelberg 1833. Digitalisat
Eintheilung des Großherzogthums in vier Kreise und Aufstellung von Regierungen betreffend. In: Großherzoglich Badisches Staats- und Regierungs-Blatt Nr. IX. vom 18. Februar 1832, S. 133

Weblink

Commons: Mittelrheinkreis – Sammlig vo Multimediadateie

Fueßnote

Dä Artikel basiert uff ere fräie Übersetzig vu dere Version vum Artikel „Mittelrheinkreis“ vu de dütsche Wikipedia. E Liste vu de Autore un Versione isch do z finde.

[1] Großherzoglich Badisches Staats- und Regierungs-Blatt 1832, S. 133

[2] Hof- und Staats-Handbuch des Großherzogthums Baden. 1834.

[3] Großherzoglich Badisches Regierungs-Blatt 1863, S. 399

[4] Vollzuegsveroornit lueg Großherzoglich Badisches Regierungs-Blatt 1864, S. 333

[5] Uuszuug us em Hof- und Staats-Handbuch des Großherzogthums Baden. 1834; S. 417

[1]

[2]

[3]

[4]

[5]