D Socins si e Baasler Familie vom Daig.

S Wabbe vo de Socin (1880)
Dialäkt: Baseldütsch

D Familie stammt ursprünglig us Bellinzona, dass es e Patrizierfamilie us Siena gsi sig, isch nid beläit.
In de 1560er isch dr Pietro Socino, wo scho sit de 1530er Joor z Baasel gschafft het, zämme mit sine fünf Söön iibürgeret worde. Dr erst Baasler Socin isch im Pietro si Soon Anton gsi, wo 1568 gstorbe isch, 1565 isch au si Brueder Benedikt (1536–1602) Bürger vo Baasel worde und het in Daig iine ghürootet. Wie si Soon Emanuel isch au är Offizier in venezianische und savoyische Dienst gsi. En andere Soon vom Benedikt, dr Josef (1571–1643), isch Oberstzumftmäister und Rootsheer worde. Im Josef si Soon Benedikt (1594–1664) isch sälber Oberstzumftmäister worde und het au in dr Äidgenosseschaft e politischi Rolle gspiilt. Dr Emanuel (1594–1664) isch im Drissigjöörige Chrieg Offizier bi de Schweede gsi. Zrugg z Baasel het er e Hufe öffentligi Böste gha und isch Oberstzumftmäister und schliesslig Bürgermäister worde. E wichdige Verdräter vo dr Familie, dr Bernhard Socin (1777–1854), het 1815 mitghulfe, d Baasler Mission z gründe, isch Richder gsi und im Chläine Root gsässe. As Bresidänt vom Finanzkollegium het er die groossi Baasler Stüürrevision voraadriibe und 1847 e brogressivi Iikomme- und Erwärbstüür iigfüert. Im 18. und 19. Joorhundert het d Familie meereri Akademiker füürebrocht, under iine d Ärzt Abel (1729–1808) und August (1837–1899 ) und d Sproochwüsseschaftler Adolf (1859–1904) und Albert (1844–1899).

Kwelle ändere