Soledurner Filmdäg

D Soledurner Filmdäg (dt. Solothurner Filmtage, SFT) sin s wichtigscht Filmfeschtival fir dr Schwyzer Film. Si bresäntiere syter anne 1966 all Johr Ändi Jänner z Soledurn im Programm «Panorama Schwyz» e rebresäntativi Uuswahl vu Schwyzer Spiil-, Dokumäntar- un Churzfilm. In Schwätzrundine un Podiumsveraastaltige dischpetiere s Publikum un d Filmbranche iber di zaigte Film un d Schwyzer Filmkultur. Mit all Johr iber 65'000 Zueschauer zelle d Soledurner Filmdäg zue dr renommierteschte Kulturveraastaltigen in dr Schwyz.

Plakat zue dr 1. Filmdäg: «Schweizer Film heute» 1966

Gschicht

D Soledurner Filmdäg ghere zue dr eltschte Filmfeschtival vu dr Schwyz. Vum 28. bis 30. Jänner 1966 het d Filmgilde Soledurn e Dagig mit em Titel «Schweizer Film heute» organisiert. Zyyl vu däm Aaloss isch d Kreation vu neie Idee un Inschpiratione fir di junge, unabhängig Schwyzer Filmschaffende gsii. Ai Johr speter isch die Veraastaltig scho unter em Name «Solothurner Filmtage» glofe un im Juli 1967 isch d Schwyzerisch Gsellschaft Soledurner Filmdäg (SGSF) grindet wore, wu syterhär as Verain d Filmdäg organisiert.

In dr Gschicht vu dr Filmdäg het s die Diräkter*ne gee:

• Stephan Portmann: 1967 bis 187
• Ivo Kummer: 1987 bis 2011
• Seraina Rohrer: 2011 bis 2019
• Anita Hugi: 2019 bis 2021
• Marianne Wirth / David Wegmüller: 2022
• Monica Rosenberg / Niccoló Castelli: syt 2022

Zwische 1998 un 2008 isch an dr Soledurner Filmdäg au dr Schwyzer Filmbryys vergee wore, wu ab 2009 derno in s Kultur- un Kongrässzäntrum Lozärn verlait woren isch.

Weblink

 Commons: Solothurner Filmtage – Sammlig vo Multimediadateie

• Websyte vu dr Soledurner Filmdäg