Susanne Bay
| Dialäkt: Undermarkgreflerisch |
D Susanne Bay (* 5. Jänner 1965 z Craalse) isch e dytschi Bolitikeri (Bindnis 90/Di Griene). Bi dr Landdagswahl z Bade-Wirttebärg 2016 het si im Wahlchrais Haalbrunn s Erschtmandat gwunne.
Lääbe
ändereD Bay isch s erscht Chind vu ihre Eltere un het no ne Brueder un e Schweschter. Si isch aafangs in dr Haimetstadt vu ihre Mueter Craalse ufgwachse, syt ihrme 5. Lääbesjohr derno z Haalbrunn, dr Haimatstadt vu dr Vatersyte här. Si isch z Haibrunn uf d Dammgrundschuel, derno ab 1975 uf s Justinus-Kerner-Gimnasium, wu si anne 1984 s Abitur gmacht het. Vu 1984 bis 1986 het si bi dr Gmai Daale un derno bim Landratsamt Haalbrunn dr Vorberaitigsdienscht fir dr ghobene nittächnische Verwaltigsdienscht gmacht. Vu 1986 bis 1988 het si an dr Fachhochschuel fir effetligi Verwaltig z Ludisburg Verwaltgswirtschaft studiert un as Diplom-Verwaltigswirti (FH) abgschlosse. z Dibenga het si derno vu Novämber 1988 bis Mai 1992 as Laiteri vum Sachbiet Huushalt un Innere Dienscht bi dr Bundesforschigsaastalt fir Viruschrankete vu dr Dier gschafft. Vu 1992 bis 1998 isch si in Elterezyt gsii un in däre Zyt au mit ihrem Mann un dr erschte Dochter retuur gange uf Haibrunn. Ab Juli 1998 isch si bi dr Bundesforschigsaastalt beurlaubt gsii un het näbehär e Verwaltig fir di nei grindet „Offene Hilfen gGmbH“ ufböue, ere ambulante Hilf fir Mänsche mit ere gaischtige Behinderig. Anne 2013 isch si us em Beamteverhältnis uusgschide un het ab do hauptberuefli bi dr Offenen Hilfen gschafft, in dr Hauptsach zueständig fir d Finanze.
D Bay isch ghyrote mit em Hartmut Seitz-Bay un het mit ihm zwoo Dechtere. Si läbt mit ihre Familie z Haalbrunn.
Bolitik
ändereSyter anne 2009 isch d Susanne Bay Mitglid bi dr Griene un syt 2011 isch si Mitglid vím Vorstand vum Ortsverband Haalbrunn. Syt 2009 isch si z Haibrunn Stadtreeti, syter 2011 as Fraktionsvorsitzeriu vu dr Griene-Fraktion. Bi der Landdagswahl 2011 isch si zum erschte Mol im Wahlchrais Haalbrunn fir di Griene aadrätte, isch aber nit gwehlt wore. Bi dr Wahl 2016 het si schließli s Erschtmandat gwunne.
Im Landdag isch si Mitglid im Uusschuss fir Finanze un im Uusschuss fir Wirtschaft, Arbet un Wohnigsböu, un si isch au Mitglid im Untersuechigsuusschuss „Rechtsterrorismus/NSU BW II“. Derzue isch si stellverdrättend Mitglid im Bresidium, im Ständige Uusschuss, im Uusschuss fir Inners, Digitalisierig un Migration, im Uusschuss fir Wisseschaft, Forschig un Chunscht, im Uusschuss fir Sozials un Integration, im Uusschuss fir Europa un Internationals, im Petitionsuusschuss, im Uusschuss no Artikel 62 vu dr Verfassig (Notparlament) un au im Untersuechigsiusschuss „Zulagen Ludwigsburg“
Sunschtigs Engaschmänt
ändereD Bay isch Vorsitzeri im Förderverein der Offene Hilfen gGmbH – Angebote für Menschen mit einer geistigen Behinderung e. V., Vorstandsmitglid bi dr Suchtprävention Heilbronn e. V. un Schatzmaischteri vu dr Otto-Kirchheimer-Stiftig. Si isch Mitgrinderi un Mitglid vu dr Känguruh-Kulturinitiative für Kinder e. V., derzue isch si Mitglid im Förderkreis Dammgrundschule Heilbronn e. V., im Gaffenberg Fördervereins e. V., im Förderverein Mönchsee-Gymnasium Heilbronn e. V., bi dr Naturfrynd un bi Greenpeace.
Dernäbe isch si Mitglid im Ufsichtsrot vu dr Beteiligungsgesellschaft Stadt Heilbronn mbH, im Ufsichtsrot vu dr SLK-Kliniken Heilbronn GmbH un im Ufsichtsrot vu dr Regionalen Gesundheitsholding Heilbronn-Franken GmbH, derzue stellverdrättend Mitglid im Ufsichtsrot vu dr Stadtwerke Heilbronn GmbH.