Tartuffe

Date vom Drama
Hoochdütsche Ditel:	Der Tartuffe oder Der Betrüger
Originalditel:	Le Tartuffe ou L'Imposteur
Gattig:	Komödie
Originalsprooch:	Franzöösisch
Autor:	Molière
Erschiinigsjoor:	1682 (in Œuvres)
Uruffüerig:	12. Mai 1664 / 5. August 1667 / 9. Februar 1669
Ort vo dr Uruffüerig:	Paris
Ort und Zit vo dr Handlig:	Paris, in dr Middi vom 17. Joorhundert
Persone
Mme Pernelle, d Mueter vom Orgon Orgon, dr Maa vo dr Elmire Elmire, d Frau vom Orgon Damis, dr Soon vom Orgon Mariane, d Dochder vom Orgon und die Gliebti vom Valère Valère, dr Gliebti vo dr Mariane Cléante, dr Brueder vo dr Elmire Tartuffe, Frömmeler Dorine, s Dienstmäitli vo dr Mariane u. a.

Der Tartuffe oder Der Betrüger (Originaltitel: Tartuffe ou L'Imposteur) isch e Värskomödie in fümf Akt vom franzöösische Dichder Molière, wo die ersti Versioon von ere am 12. Mai 1664 urufgfüert worde isch.

S Stück het e Theaterskandal usglööst, wil si die religiöösi Hüüchelei kritisiiert het, was zu sällere Zit revolutionär gsi isch. Die ersti Fassig isch druf verbote worde und 1667 au die zwäiti Fassig. In dr dritte Fassig het dr Molière denn d Handlig eso abgänderet, dass d Uffüerig vom Stück mit dr Understützig vom Louis XIV. erlaubt worde isch. Nume die dritti Fassig isch überliiferet.

D Handlig

Tartuffe - Daarstellig us em 19. Joorhundert

Dr Orgon het dr Tartuffe zu sich ins Huus iiglaade. Er verdraut em und loost uf alles, won er em säit, wil er glaubt ass si Gast bsundrigs religiöös sig. Dr Orgon wil si Dochder Mariane mit em Tartuffe verhüroote, was die seer unglücklig macht. Wo dr Damis beobachdet, ass dr Tartuffe im Orgon sinere Frau dr Hoof macht, verzellt er das sim Vater. Dä glaubt em aber nid und enterbt en und will im Tartuffe si ganzes Vermööge gee. D Elmire will irem Maa zäige, ass dr Tartuffe e Hüüchler isch. Dr Orgon versteckt sich dorum under em Disch und wo d Elmire drgliiche duet, wie wenn si am Tartuffe intressiert sig, goot dä druf ii. Wo dr Orgon dr Tartuffe will us em Huus gheie, säit dä, ass är jetz dr Bsitzer vom Huus sig und er schiggt e Grichtsvollziejer, zum d Familie us em Huus z jaage. Wo dr Tartuffe mit eme Bolizist chunnt, zum dr Orgon lo verhafte, verzellt d Familie, was er alles aagstellt het. Dr Bolizist verhafdet dr Tartuffe, won e bekannte Betrüeger isch, und d Schänkig isch nüme gültig.

Weblingg

 Commons: Tartuffe – Sammlig vo Multimediadateie

Teggst vom Stück bi odysseetheater.com

Dä Artikel basiert uff ere fräie Übersetzig vum Artikel „Tartuffe“ vu de dütsche Wikipedia. E Liste vu de Autore un Versione isch do z finde.