Duubèmoos

S Nadurschutzgebièt Duubèmoos lyt im Bann vo dè Gmaind Bernau im Hochschwarzwald, im nördlichschtè Zipfel vum Landchrais Waldshuèt.

Nadurschutzgebièt Duubèmoos IUCN-Kategori IV − Habitat-/Species Management Area
Lag	Dütschland, Baddè-Württèbärg, Landchrais Waldshuèt, Bernau im Schwarzwald
Flechi	204,652.1 ha
Kennig	3.276
WDPA-ID	378370
Geographische Lage	47° 46′ N, 8° 2′ O47.7746628.03054
Taubenmoos (Baden-Württemberg) Taubenmoos
Iirichtigsdatum	16.09.2007
Verwaltig	Regyrungsbräsidium Fryburg

Kenndatè

S Nadurschutzgebièt isch vum Regyrungsbräsidium Fryburg am 16. Septembèr 2007 mit èrè Voordnung uusgwisè worrè. S Areal hèt è Größi vo öppè 205 Hektar. S wörd unter dè Schutzgebiètsnummèrè 3.276 gfüürt. Dè CDDA-Code für s Nadurschutzgebièt lutet 378370 un isch glych wiè d WDPA-ID.

Laag un Beschrybung

S Naturschutzgebièt lyt öppè 1,5 km südlich vo Bernau/Obberlehè un gòt übber dè Dalgrund un diè Haalè, wo südlich vum Rönischbächle ligèd, sowiè d Mattè vum Schönègrund. S Nadurschutzgebièt gòt vom Nordoschtè gu Weschtè vom Gwann „Grüèni Blätz“, „Uff dè Rain“, „Duubèmoos“, „Hexèbüèl“, „Fäldmoos“ zuè dè Gwann „Hinterwäldemle“, „Neusauè“ bis zuè dè „Küènzishüttè“ und im Südoschtè uff Flèggè „Schönègrund“ bis „Kirchèblatz“. S isch è tǜpisches boschtglazials Dal vo dè Schwarzwälder Hochflächèlandschaft un dè büèrlich brägtè Kulturlandschaft mit Wisè, Weidè, Wälder un Moor. S umfasst è Mosaik uss unterschydlichè, landeswit bedütsamè Moor, Wälder, Borschtgrasrasè, Magerwisè un andrè Läbbensrüüm. S Duubèmoos wörd als Chältepol vu Baddè-Württèbärg aagluègèt, well s dört sèlbscht im Summer übber dè Daag durrè zuè Froscht chò ka .

Schutzzwèck

1. Schutzzwèck vum Nadurschutzgebièt isch s Erhaaltè un d Entwigglung vum Gebièt

• als tǜpischs, boschtglazials Dal vo dè Schwarzwälder Hochlagè un dè büèrlich kultivyrtè Landschaft mit Mattè, Weidè, Wälder un Moorgebièt;
• als Mosaik us unterschydlichè, landeswitt bedütsamè Moor, Wälder, Borschtgras, Magerwisè un andri Läbbensrüüm;
• als Läbbensruum vo Dyr- un Pflanzèarteè, wo zum Deil vum Uusschtärbè bedroot sin, un im Artèschutzbrogramm vum Land Baddè-Württèbärg drin sin sowiè vo insgsamt artèrychè Dyrbschtänd.

2. Schutzzwèck isch au dè Witterbeschtand vo söttigè Läbbensrüüm un Artè, wo dè FFH-Richtlinniè sowiè dè Vogelschutzrichtlinniè bsunders entschprèchèd. Nõch dè dörtigè Aaforderungè chömmèd im Schutzgebièt bsunders folgendi Läbbensrüüm un Artè vor:

Läbbensrüüm:

artèrychi Borschtgraswisè (brioritär), bärgig füchti Hochschtuudèhääg, Bärg-Maïwisè, nadurnòch läbbèndi Hochmoor (brioritär), gschädigti Hochmoor, Übbergangs- un Schwingwisèmoor, kalchrychi Niddermoor, Moorwälder, Erlè- un Eschèwälder (brioritär) a Flǜeßgwässer, bodèsuuri Fichtèwälder.

Arté:

Nüüdöter (Lanius collurio), Schwarzschpächt (Dryocopus martius)

Literadur

• Regierungspräsidium Freiburg (Hrsg.): Die Naturschutzgebiete im Regierungsbezirk Freiburg. Thorbecke, Stuègètt 2011, ISBN 978-3-7995-5177-9, S. 693–696

Weblingg

 Commons: Naturschutzgebiet Taubenmoos – Sammlig vo Multimediadateie

• Steckbrief vom Naturschutzbiet im Schutzgebietsverzeichnis vo dr LUBW
• Chartè vum Nadurschutzgebièt Duubèmoos (Site cha nüme abgrüeft wärde; Suche im Webarchiv)[1] [2] Vorlage:Toter Link/udo.lubw.baden-wuerttemberg.de uff: Kartendienste der Landesanstalt für Umwelt, Messungen und Naturschutz Baden-Württemberg (LUBW)
• Mǜstisches vum Duubèmoos ab öppè 24:30

Einzelnõchwys

Dä Artikel basiert uff ere fräie Übersetzig vu dere Version vum Artikel „Taubenmoos“ vu de dütsche Wikipedia. E Liste vu de Autore un Versione isch do z finde.