Technischi Kataschtrophe

Technischi Kataschtrophe nennt me es Kataschtrophe-Ereignis, wo us technische Gründ entschtande isch, im Gegesatz zu Naturkataschtrophe, wo d Ursach natüürlig isch. Es hett als Kriterium e Dimension, wo die regionale Rettigschräft vom Kataschtropheschutz vo ihrer Kapazität her überforderet sii. I de meischte Fäll forderet das Ereignis grad wenn s passiert e höchi Azahl vo Todesopfer. S gitt aber au Uusnahme, wie d Kataschtrophe vom Chärnchraftwärk Fukuschima oder d Kataschtrophe vom Chärnchraftwärk Tschernobyl, wo erscht mit viile längerfrischtige Todesfäll, v. a. dur Chräbs z rächne isch; wo aber au als Kataschtrophe-Ereignis gälte.

Die wichtigschte Technik-Kataschtrophe bislang si gsii: En Kaskade-Bruch vo 62 Schtaudämm 1975 in der chinesische Provinz Henan, wo rund 85'000 Mänsche drbii umchoo sii und d Chemiekataschtrophe vo Bhopal 1984 in Indie, wo dr direkt Kontakt mit dr Gaswulche nach verschiidene Schätzige 3'800 bis 25'000 Toti gforderet het un bis zu 500'000 Verletzti, wo zum Teil bis hüüt an de Folge liide. In Europa isch s d Kataschtrophe vo Vajont in Norditalie vo 1963 gsii, en Überfluetig vom ene Schtaudamm dur ne Bärgschturz mit rund 2'000 Todesopfer.

Lischte vo de gröschte Technik-Kataschtrophe

Talsperre-Kataschtrophe

85'000 Toti: die erwähnte Henan-Kataschtrophe
rund 10'000 Toti: Fushan-Damm in China, 516 n. Chr.
3'500: Isla Verdes (Philippine), 1991
2'300: Machhu II (Indie), 1979
2'209: South Fork (Pennsylvania, USA), 1889
rund 2'000: die erwähnti Vajont-Kataschtrophe

Chemie-Kataschtrophe

3'800 bis 25'000 Toti: die erwähnti Bhopal-Kataschtrophe
581 Toti: Explosion im Monsanto-Werk in Texas City (USA), 1947
565: Explosion im Oppauer Schtickschtoffwerk (D), 1921
320: Chesselwage-Explosion in Neyshabur (Iran), 2004
207: Chesselwage-Explosion in dr BASF Ludwigshafe, 1948

Munitions-Explosione

1'950 Toti: Halifax (Kanada), 1917
1'750: Hamont (Belgie), 1918
rund 1'500: Smederevo (damals Jugoslawie), 1941

Seefahrt-Kataschtrophe

1'500 bis 4'400 Toti: MV Dona Paz (Philippine), 1987
2'700 bis 4'000: SS Kiangya, Schanghai (China), 1948
1'863: MV Joola, Senegal, 2002
1'547: SS Sultana, Mississippi River (USA), 1865
1'517: RMS Titanic, Nordatlantik, 1912

Iisebahn-Kataschtrophe

rund 1800 Toti: Zugunglück vo Peraliya (Sri Lanka), 2004
rund 800: Zugunglück bii dr Mont Cenis-Bahn (F), 1917

Luftfahrt-Kataschtrophe

583 Toti: Flugkataschtrophe vo Teneriffa, 1977
520: Abschturz vom ene Japan Airlines-Jumbo-Jet, 1985

Explosione vo Pipelines oder Bohrlöcher

575 Toti: Zugunglück bii Ufa (Russland), 1989
234: Gasexplosion vo Chuandongbei (China), 2003
167: Explosion und Brand uuf dr Ölplattform Piper Alpha (GB), 1988

Tanklager-Explosione

rund 500 Toti: Propangas-Lager in Ixhuatepec (Mexiko), 1984
rund 150: Öl-Tanklager in Tacoa (Venezuela), 1982
105: Flüssiggas-Lager in dr Türkei, 1980

Schtrasseverkehrs-Kataschtrophe

217 Toti: Tanklaschtwage-Unglück vo Los Alfaques (Spanie), 1978
140: Tanklaschter-Explosion vo Molo (Kenia), 2009
110: Petrol-Unfall vo Chennai (Indie), 1995
94: Unglück vo Langenweddingen (DDR), 1967
77: Brücke-Iischturz vo dr Ponte Hintze Ribeiro (Portugal), 2001

Gasexplosione in Gebäude

rund 300 Toti: New London School in Texas, 1937
rund 200: In Tiflis (Georgie), 1984

Tanker-Explosione

78 Toti: Griechische Tanker vor Singapur, 1978
50: Öl-Tanker vor Whiddy Island (Irland), 1979

Lueg au

Naturkataschtrophe