Theopil L’Orsa

Dr Theophil L’Orsa (* 15. Nofämber 1807 z Bärn; † 6. Februar 1853 z Rhyfälde) isch e Schwiizer Undernäämer gsi.

Er isch z Bärn als Soon vom Pfarrer Jeremias L’Orsa, wo vo Silvaplana gsi isch, uf d Wält cho, un er het die chaufmännischi und die technischi Schuel psuecht.

Anne 1843 het er im aargauische Rhyfälde mit drü Partner e Salzfabrigg gründet. Das isch d Salyne Rhyfälde, wo dank ere Konzässion vom Kanton Aargau vom 20. Brachmonet 1844 sit 1844 us em Schteisalz, wo dört gwune wird, Chochsalz und Salz für s Vee gmacht het. Das Wärch isch als Konkuränt vo de Undernääme ufträtte, wo sid 1836 z Muttänz, sid 1837 z Prattele und sid 1841 z Kaiseraugscht Salz us em Bode gnoo händ. 1848 isch no en Salyne z Riburg drzuecho. Anne 1874 isch mit em L’Orsa sim Wärch und de Fabrigge z Kaiseraugscht und z Riburg s grossen Undernääme Vereinigti Schwiizerische Rhysaline bildet worde.

An Theophil L’Orsa erinneret dr Name vo dr L’Orsa-Straass z Rhyfälde.

Literatur

• Sarah Brian Scherer: Theopil L’Orsa In: Historisches Lexikon vo dr Schwiiz.