Sutter Thomas

De Sutter Thomas (* 1. Oktober 1973 z Appezell) isch en ehemoliger Schwiizer Schwinger. Im 1995 isch er Schwingerkönig gsi.

Schwingen

Insgsamt isch de Sutter Thomas 16 Johr Aktivschwinger gsi. In dere Zit het er füf eidgnössischi Kränz und bi 29 Kranzfäscht gwunne. Insgsamt het er 70 Kränz gwunne und isch im 1993 Unspunnesiiger gsi. Bim Eidgnössische Schwing- und Älplerfäscht im 1995 z Khur het de Sutter Thomas de Höhepunkt vo sinere Karriere erreicht: Im Schlussgang het er gäge de Eugen Hasler gwunne, wo eigentlich de Favorit isch gsi. So isch de Sutter Thomas Schwingerkönig worde. Im 2003 z Lözärn het er es noch einisch in de Schlussgang bi eme Eidgnössische gschafft, het aber gäge de Abderhalden Jörg numme en «Gschellte» gschaffet und de Abderhalden isch Schwingerkönig worde.