Dialäkt: Thurgauer Dialekt

De Tim Krohn (* 9. Februar 1965 in Wiedebrück, Nordrih-Westfale) isch en Schriftsteller, wo i de Schwiiz lebt. Im Johr 2009 het ihm d Stadt Züri s Schwiizer Bürgerrecht erteilt und sit det isch er dütsch-schwiizerische Doppelbürger.

Lebe ändere

De Tim Krohn lebt sit em 1966i i de Schwiiz. Er isch z Glaris ufgwachse. Vo 1984 bis 1992 het er Germanistik, Philosophie und Politikwüsseschaft studiert und wohnt hüt mit sinere Frau und sine zwei Chind als freie Schriftsteller in Sta. Maria Val Müstair. Er het Prosatext, Drame und Hörspiel verfasst.

De Tim Krohn isch Mitglied bim Verband «Autorinnen und Autoren der Schweiz». Vo 1998 bis 2001 isch er de Präsident vo de Vorgängerorganisation, em Schwiizerische Schriftstellerinne- und Schriftstellerverband gsi. Er het unter anderem folgendi Uszeichnige übercho: de UNDA-Radiopriis (1993), de Conrad-Ferdinand-Meyer-Priis (1994), de Einzelwerchpriis vo de Schwiizerische Schillerstiftig (1998), im 2007ni het er mit «Vrenelis Gärtli» d Wahl zum beschte Schwiizer Buech gwunne und für s gliiche Werk Priise vo de Anne-Marie-Schindler-Stiftig vo Stadt und Kanton Züri becho. 2011 het er de Kulturpriis vom Kanton Glaris übercho.[1] Er het d Bühnevorlag fürs Eisidler Welttheater 2013 gschribe.

Ufd Iiladig vom Juri Steiner hi isch de Tim Krohn am Ingeborg-Bachmann-Preis 2015 debii gsi.[2]

Werk ändere

Büecher ändere

Theaterstück ändere

  • Surfer. UA: 10. Dezember 1991, Komedie Theater Züri
  • Zeitalter des Esels. UA: 14. Februar 1992, Limit Theater Zürich
  • Die apokalyptische Show von den vier Flüssen Manhattans. UA: 25. März 1995, Staatstheater Mainz
  • Der Schwan in Stücken. UA: 22. September 1995, Schauspiel Köln
  • Polly. UA: 11. Februar 1998, Stadttheater Koblenz
  • Revolution mit Hund. UA: 14. Mai 1998, Schauspiel Akademie Züri
  • Revolution mit Hund, die Zweite. UA: Werkstattuffüehrige im Mai 1999 im TiK vom Thalia Theater Hamburg
  • Die Bienenkönigin. UA: 2000, Theater am Neumarkt Züri
  • Shakespeare Love Songs. UA: 2001 Shakespeare Company Berlin
  • Verbrechen und Strafe. UA: 2001 Theater am Neumarkt Züri
  • Quatemberkinder. UA: 2006 Theater Glarus
  • Schneewittchen. UA: 2008 Tocha-Compagnie St. Gallä
  • Vehsturz, UA: 2013 Landschaftstheater Ballenberg
  • Einsiedler Welttheater, UA: 2013 Welttheatergsellschaft Eisidlä
  • Ueli der Knecht (Dramatisierig)', UA: 2015 Landschaftstheater Ballenberg
  • Ueli der Pächter, UA: 2016 Landschaftstheater Ballenberg

Literatur ändere

  • Brigitte Marschall: Tim Krohn. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1038.

Weblink ändere

Einzelnochwiis ändere

  1. Glarner Kulturpreis geht an Tim Krohn auf der Seite der SF Tagesschau.
  2. Archivierte Kopie. Archiviert vom Original am 4. April 2016; abgruefen am 8. April 2016.
  Dä Artikel basiert uff ere fräie Übersetzig vu dere Version vum Artikel „Tim_Krohn“ vu de dütsche Wikipedia. E Liste vu de Autore un Versione isch do z finde.